Ingabe Uyakhumbula?

Ingabe uye wabacabangela kahle omagazini bamuva be-Nqabayokulinda? Uma kunjalo, uzokuthola kuthakazelisa ukukhumbula okulandelayo:

▫ Uyini umehluko oyinhloko phakathi komuntu nezilwane?

Umehluko omkhulu ugxile ekwakhekeni, ikhono, nasekusebenzeni kwengqondo. Cishe ezilwaneni konke ukusebenza kwengqondo kuxhunywe esimisweni esibizwa ngokuthi ukuhlakanipha okungokwemvelo. Akunjalo ngabantu. UNkulunkulu wanikeza abantu amandla okuzikhethela. (IzAga 30:24-28)—4/15, ikhasi 5.

▫ Ukuhlabelela kwakunayiphi ingxenye ekukhulekeleni kwasethempelini kwama-Israyeli?

Umculo, ikakhulukazi abahlabeleli, wawunendawo ebalulekile ekukhulekeleni, hhayi nje eyokugxilisa izindaba ezinesisindo zoMthetho, kodwa ukwenza abantu babe semoyeni ofanele wokukhulekela. Wawusiza ama-Israyeli ukuba akhulekele uJehova ngentshiseko. (1 IziKronike 23:4, 5; 25:7)—5/1, amakhasi 10, 11.

▫ Hlobo luni lokunakekela abantwana abaludinga kusukela beyizinsana?

Abazali kufanele banikeze ukunakekela cishe kwasikhathi sonke kosanda kuzalwa. UPawulu wabhala: “Kusukela uwusana uye wazi imibhalo engcwele, ekwazi ukukuhlakaniphisela insindiso.” (2 Thimothewu 3:15, NW) Ngakho ukunakekela kobuzali uThimothewu akuthola, ngisho esewusana, nakho kwakungokomoya.—5/15, ikhasi 11.

▫ Ibuphi ubufakazi obune obuqinisekisa ukuthi iBhayibheli liqukethe isigijimi sikaNkulunkulu esiya kuso sonke isintu?

(1) Isilinganiso sokutholakala kwalo. IBhayibheli litholakala kumaphesenti angu-98 omphakathi womhlaba. (2) Ukuba kwalo ngokomlando. IBhayibheli liqukethe amaqiniso angokomlando, hhayi izinganekwane ezingenakuqinisekiswa. (3) Ukuba kwalo elisebenzisekayo. Imiyalo nezimiso zalo kuveza indlela yokuphila eletha inzuzo kulabo abanamathela ngokuseduze kukho. (4) Isiprofetho. Liyincwadi elandisa ngokuningiliziwe lokho okuzokwenzeka esikhathini esizayo.—6/1, amakhasi 8, 9.

▫ Yimuphi umthwalo wemfanelo ohambisana nokwazi inkolo yeqiniso?

Lapho sesiyitholile inkolo yeqiniso, kumelwe sakhe ukuphila kwethu ngokuvumelana nayo. Iyindlela yokuphila. (IHubo 119:105; Isaya 2:3)—6/1, ikhasi 13.

▫ Kungani sibaluleke kangaka isifundo somuntu siqu seBhayibheli?

Zonke izinceku zikaNkulunkulu zidinga ukuvuselela injabulo namandla azo usuku ngalunye ngokuthola izici ezintsha noma ezijule kakhudlwana zeqiniso leZwi likaNkulunkulu. Ngalendlela zizigcina ziphapheme ngokomoya.—6/15, ikhasi 8.

▫ Lisho ukuthini igama elithi “isono” elisetshenziswe eBhayibhelini?

Ezimweni zawo zesenzo, amagama esiHeberu nesiGreki ngokuvamile asetshenziswe eBhayibhelini ukubhekisela ‘esonweni’ asho “ukugeja,” ngomqondo wokwehluleka noma ukungakwazi ukufinyelela umgomo, uphawu, noma indinganiso okumelwe ifinyelelwe. Umbhangqwana wokuqala ongabantu wasilalelwa inkazimulo kaNkulunkulu, ulahlekelwa injongo yokuba kwawo odalwe ngomfanekiso kaNkulunkulu. Ngamanye amazwi, wona. (Genesise 2:17; 3:6)—6/15, ikhasi 12.

▫ Kungani kuwubuwula obukhulu ukufunda izincwadi zezihlubuki?

Izincwadi ezithile zezihlubuki ziveza amanga ‘ngamazwi amahle’ ‘nangamazwi obuqili.’ (Roma 16:17, 18; 2 Petru 2:3) Zonke izincwadi zezihlubuki zimane zigxeke futhi zibhidlize. Azinalutho olwakhayo.—7/1, ikhasi 12.

▫ Ingabe umbuso wentando yeningi waqala eGreece?

EGreece yasendulo, umbuso wentando yeningi wawusemadolobheni ambalwa kuphela, futhi ngisho nakulamadolobha kwakuvota abesilisa kuphela. Lokhu kwakusho ukuthi izingxenye ezine kwezinhlanu zomphakathi zazishiyelwa ngaphandle. Lokho kwakungekhona neze ukubusa okuthandwa iningi noma ukubusa ngentando yeningi!—7/1, ikhasi 16.

▫ Yini eyenza umshado wamaKristu uphumelele?

Yilapho indoda nomfazi behlonipha umbono kaNkulunkulu ngomshado futhi bezama ukuphila ngezimiso zeZwi lakhe. (Efesu 5:21-33)—7/15, ikhasi 10.

▫ Isifundo somkhaya wakho singaba kanjani esijabulisayo?

Zamani ukugcina zonke izingane zihilelekile. Yibani nombono oqondile futhi nakhe, nizituse ngokufudumele izingane zenu ngokuhlanganyela kwazo. Ningamane nje nihlanganise ukwaziswa kodwa lwelani ukufinyelela izinhliziyo zezingane zenu.—7/15, ikhasi 18.

▫ Yini eshiwo inkulumo ethi: “Nxa bethi: Ngukuthula nokuhlala kahle”? (1 Thesalonika 5:3)

Phawula ukuthi iBhayibheli alisho ukuthi izizwe ziyokufinyelela ‘ukuthula nokulondeka.’ Kodwa okungenani ziyobe zikhuluma ngakho ngendlela evelele, zizwakalise ithemba nokuqiniseka ezingakaze zikuzwe ngaphambili. Amathuba okufinyelela ukuthula nokulondeka ayobonakala eseduze kakhulu kunanini ngaphambili.—8/1, ikhasi 6.

▫ Yisho izindlela ezintathu uJehova abonisa ngazo ukucabangela.

UJehova uye wabonakalisa ukuba kwakhe okulungele ukuthethelela. (IHubo 86:5) Uye wazimisela ukuguqula inkambo yesenzo ebesizothathwa njengoba kuphakama izimo ezintsha. (Bheka uJona, isahluko 3.) Futhi, uJehova uye wazibonakalisa engocabangelayo ekusebenziseni igunya. (1 AmaKhosi 22:19-22)—8/1, amakhasi 12-14.