“Dumisani Igama LikaJehova”

NgoSeptember 2, 1986, iGerman Democratic Republic (iMpumalanga Jalimane) yakhulula uchungechunge lwezitembu ezinemifanekiso yezinhlamvu zemali yaseJalimane ezingokomlando. Olokuqala kuloluchungechunge luboniswe ngezansi. Lomfanekiso owohlamvu lwemali yango-1633. Nokho, okuthakazelisa kakhuiu izinhlamvu ezine zamagama esiHeberu akhazimulayo aqoshwe kuloluhlamvu. Zisho ukuthini? IBriefmarkenwelt, umagazini waseJalimane wezitembu, unikeza lencazelo: “Izingelosi ezimbili, ezingenhla komfanekiso wedolobha, phakathi kwazo ziphethe igama likaJehova.”

Phakathi nekhulu le-16 nele-17 leminyaka edlule, kwakungokuvame kakhuIu ukwenza imali enjalo eYurophu. IEncyclopedia yaseJalimane eyabhalwa ngo-1838 yaphawula: “Inkulumo ethi Jehovah-coins ihlanganisa zonke izinhlamvu zemali nemigexo eqoshwe igama elithi יהוה, Jehova, ngokukhazimulayo, lihamba lilodwa noma lihlangene negama elithi Jesu, . . . ngokuvamile lihambisana nesiqubulo esibhekisela kulo; njengoba lokhu ngoku yinhloko kuthokalaka kwamaningi amaTalers [izinhlamvu zesilisa ezazikhishwa imibuso ehlukahlukene yaseJalimane phakathi nekhulu le-15 nele-19 leminyaka adlule], ziye zaqoqelwa ndawonye ngaphansI kwegama elithi Jehovahtalers.”

Cishe, abantu abaningi abasebenzisa lezitembu abazi ukuthi lezinhlamvu zesiHeberu zimelela igama likaNkulunkulu. Kodwa oFakazi BakaJehova bayakujabulela ukukhomba kulesici esisesitembwini futhi bachaze incazelo nokubaluleka kwegama likaJehova. Khona-ke, ngokususela emthonjeni ongalindelekile bayasizwa ukuba ‘badumise igama likaJehova.’—IHubo 135:1.