Umhlangano Waminyaka Yonke—October 5, 1985

UMHLANGANO WAMINYAKA YONKE wamalungu eWatch Tower Bible and Tract Society of Pennsylvania ngo-October 5, 1985, uyobanjelwa eHholo LoMhlangano LoFakazi BakaJehova, eliku-973 Flatbush Avenue, eBrooklyn, eDolobheni laseNew York. Umhlangano wokwandulela wamalungu kuphela uyoba ngo-9:30 ekuseni, bese ulandelwa umhlangano ovamile waminyaka yonke ngo-10:00 ekuseni, ngoMgqibelo, ngo-October 5, 1985.

Kuyokwaziswa kakhulu uma amalungu eNdikimba eyokwazisa iHhovisi likaNobhala nganoma iluphi ushintsho emakhelini awo athunyelelwa ngawo phakathi nonyaka odlule ukuze izincwadi ezivamile zesaziso nezincwadi zokuvota zifike kuwo ngokushesha ngemva kuka-August 15.

Izincwadi zokuvota, eziyothunyelwa kumalunga kanye nesaziso somhlangano waminyaka yonke, kumelwe zibuyiselwe emuva ukuze zifike ehhovisi likanobhala weNhlangano ngaphambi komhlaka-1 kuSeptember. Njengoba ilungu ngalinye lazi, kumelwe ligcwalise futhi libuyisele emuva incwadi yalo yokuvota ngokushesha, liphawule ukuthi lizoba khona mathupha emhlanganweni noma cha. Ukwaziswa okunikezwa encwadini yokuvota kumelwe kube okuqondile kuleliphuzu, njengoba kuyothenjelwa kukho ekutholeni kusengaphambili labo ngempela abayoba khona.

Kulindeleke ukuba sonke isimiso, kuhlanganise nomhlangano ongokomthetho wezebhizinisi nowemibiko, siphethwe ngo-1:00 ntambama noma ngokushesha ngemva kwalokho. Asinakuba bikho isimiso santambama. Ngenxa yendawo elinganiselwe, kuyongenwa ngamathikithi kuphela. Awekho amalungiselelo ayokwenziwa okuxhumanisa lomhlangano waminyaka yonke ngocingo kunoma iyiphi indawo.