Ukuqondisisa Izindaba

Alukho Ushintsho

“Uma uKristu ayebuya,” kubuza umhleli uSydney J. Harris, “ingabe kwakungeke kube khona ukubethelwa ngokwesibili ngokushesha?” Waqhubeka: “Futhi kulesikhathi, hhayi ngamaRoma noma amaJuda, kodwa yilabo abaziqhayisa ngokuthi bangamaKristu?”

Khona-ke waphawula ukuthi ngokungangabazeki uJesu ‘wayezosukelwa, ahlaselwe, ashaywe, axoshwe, ajivazwe, aliwe, ahlambalazwe, aklolodelwe futhi ahlekwe’ amaqembu amaningi akhona esintu. Wathi futhi: “Angazi ukuthi thina namuhla besingayibheka futhi siyiphathe kanjani lendoda nezimfundiso zayo ezingejwayelekile futhi ezesabekayo futhi ‘ezingenakwenzeka’ zokuziphatha kwabantu nobuhlobo bomphakathi. Ingabe besiyomkholelwa futhi simlandele, ngaphezu kwezixuku zabantu osukwini lwakhe ezamkholelwa futhi zamlandela?”

Imibuzo enjengalena isiza umuntu ukuba aqonde isizathu sokuba “ekwembulweni kweNkosi uJesu, evela ezulwini, nezingelosi zamandla akhe,” kumelwe ‘aphindisele kwabangamazi uNkulunkulu nakwabangalaleli ivangeli leNkosi yethu uJesu.’—2 Thesalonika 1:7-9.