‘Bawusizile Umshado Wethu’

Lawo kwakungamazwi kaGlenn, indoda yaseLouisiana. “Lapho ngiqala ukubonana noGlenn,” kubhala omunye woFakazi BakaJehova, “wayengaphansi kweloli lakhe, kodwa waphuma futhi wayilalelisisa intshumayelo yami. Ngaphandle kokunqikaza wenza isikhokhelo somagazini INqabayokulinda nePhaphama! Kwadlula amasonto amaningi singatholi muntu ekhaya. Ekugcineni sathola umkakhe, owathi: ‘Yebo, wangitshela ngesikhokhelo salabomagazini. Ngamangala ngoba wayengakaze enze isikhokhelo sanoma yini. Kodwa sebeqalile ukufika, futhi ngiyakutshela bahle! Sibafunda ebusuku ndawonye. Uma benqamuka, ngokuqinisekile siyobavuselela.’

“Sahlela ukuba sibuyele ngesikhathi indoda nomfazi besekhaya, futhi babesilindele ngesikhathi esasisimisile. Saqalisa isifundo seBhayibheli. uGlenn waphawula: ‘Ngokuqinisekile labomagazini bahle. Kakade sebesize umshado wethu. Uma ngifika ekhaya ngesikhathi sokudla kwasemini, ngibuza uBecky ukuthi usufikile yini omunye.’”

Nawe ngokufanayo ungalethelwa labomagazini ababili abasekelwe eBhayibhelini ekhaya lakho ngokugcwalisa nangokuthumela lelipheshana.

Ngicela ningithumelele isikhokhelo seNqabayokulinda nePhaphama!; ngifaka ama-R8,40.