Isethulo Sengxenye 5

Ngemva kwezinyanga ezimbili ewele uLwandle Olubomvu, ama-Israyeli afika eNtabeni iSinayi. Lapho, uJehova wenza isivumelwano nama-Israyeli sokuthi ayezoba isizwe sakhe esikhethekile. Wawavikela, wawanikeza konke ayekudinga—wawanika imana ayezoyidla nendawo ephephile yokuhlala futhi izingubo zawo azizange ziguge. Uma ungumzali, siza ingane yakho iqonde ukuthi kungani uJehova anika ama-Israyeli uMthetho, itabernakele nobupristi. Gcizelela ukuthi kubaluleke kangakanani ukwenza esikuthembisile, ukuhlala sithobekile nokuhlala siqotho kuJehova.