Isibonelo Esihle—UJobe

Ukuphila kukaJobe kuyashintsha. Okokuqala, ulahlekelwa izinto aziphilisa ngazo. Okwesibili, ushonelwa izingane zakhe. Okwesithathu, ungenwa isifo. Konke lokhu kwenzeka ngokushesha futhi engalindele. Ephelelwe yithemba, uthi: “Ngokuqinisekile umphefumulo wami uyakwenyanya ukuphila kwami.” Uzichaza ngokuthi ‘usuthi ihlazo kwaze kweqa futhi ugcingcekile ukuhlupheka.’ (Jobe 10:1, 15) Ngisho esehlupheka kanjalo, uJobe uyenqaba ukushiya uMdali wakhe. (Jobe 2:10) Izinguquko ezenzeka ekuphileni kwakhe azimenzi ashintshe lokho ayikho. Ngakho uJobe uyisibonelo sokukhuthazela.

Lapho unezinkinga, nawe ungase ‘ukwenyanye ukuphila kwakho.’ Noma kunjalo, ungazibonisa ungashintshi nakuba ukuphila kwakho sekushintshile, uzimisele ngokuqinile ukukhonza uJehova uNkulunkulu njengoJobe. UJakobe wabhala: “Bhekani! Sithi bayajabula labo abaye bakhuthazela. Niye nezwa ngokukhuthazela kukaJobe futhi nabona umphumela uJehova awunikeza, ukuthi uJehova unothando futhi unesihe.” (Jakobe 5:11) Wamnakekela uJobe futhi uyakukhathalela nawe!