ISIFUNDO 14

Abangane BakaNkulunkulu Bayakugwema Okubi

USathane uyenga abantu ukuba benze izinto ezimbi. Umuntu ofuna ukuba umngane kaNkulunkulu kudingeka azonde lokho uJehova akuzondayo. (IHubo 97:10) Nazi ezinye izinto abangane bakaNkulunkulu abazigwemayo:

Izinto uJehova azizondayo zihlanganisa ukuziphatha kabi ngokobulili, ukudakwa, ukukhipha isisu, ukweba, ukuqamba amanga, intukuthelo engalawuleki nokugembula

Izono zobulili. “Akumelwe uphinge.” (Eksodusi 20:14) Ukulala nomuntu ngaphambi komshado nako akulungile.—1 Korinte 6:18.

Ukudakwa. ‘Izidakwa ngeke ziwuzuze njengefa umbuso kaNkulunkulu.’—1 Korinte 6:10.

Ukubulala, Ukukhipha isisu. “Akumelwe ubulale.”—Eksodusi 20:13.

Ukweba. “Akumelwe webe.”—Eksodusi 20:15.

Ukuqamba amanga. UJehova uyaluzonda “ulimi olunamanga.”—IzAga 6:17.

Ubudlova Nentukuthelo Engalawuleki. “Ngokuqinisekile [uJehova] uyamzonda umuntu othanda ubudlova.” (IHubo 11:5) “Imisebenzi yenyama [ihlanganisa] . . . isifuthefuthe sentukuthelo.”—Galathiya 5:19, 20.

Ukugembula. ‘Yekani ukuzihlanganisa nanoma ubani ohahayo.’—1 Korinte 5:11.

Inzondo Yobuhlanga Nobuzwe. “Qhubekani nithanda izitha zenu futhi nithandazela labo abanishushisayo.”—Mathewu 5:43, 44.

Izinto uNkulunkulu asitshela zona zizuzisa thina. Akulula ngaso sonke isikhathi ukugwe-ma ukwenza izinto ezimbi. Ngosizo lukaJehova nangosizo loFakazi bakhe, ungakugwema ukwenza izinto uNkulunkulu angazithandi.— Isaya 48:17; Filipi 4:13; Heberu 10:24, 25.