“Hlalani Nilindile!”

UMhlangano Wesigodi WoFakazi BakaJehova

◼ Izinkulungwane zale mihlangano yesigodi yezinsuku ezintathu, ehlelelwe ukuba iqale e-United States ngempelasonto ka-May 22-24, ziyoqhubeka kuwo wonke umhlaba izinyanga ezithile ngemva kwalokho. E-United States, isimiso siyoqala ngo-9:20 ekuseni usuku ngalunye, ngomculo owandulela isimiso. Isihloko sangoLwesihlanu, esisekelwe kuMathewu 24:44, sithi “Yibani Abakulungele.” Inkulumo kasihlalo iyolandelwa inkulumo enesihloko esithi “Imihlangano Yesigodi Isisiza Ukuba Sihlale Silindile” nesithi “UJehova—UNkulunkulu ‘Wezikhathi Nezinkathi.’” Kuyobe sekuba nochungechunge oluthi “Lingisa Abathembekile Abahlala Belindile” oluyodingida ukuthi uNowa, uMose noJeremiya bakwenza kanjani lokho. Isimiso sasekuseni siyophetha ngenkulumo eyisihluthulelo ethi “Indlela UJehova Asisiza Ngayo Ukuba ‘Sihlale Silindile.’”

Inkulumo yokuqala ngoLwesihlanu ntambama inesihloko esithi “Izimpendulo Zemibuzo Ephathelene ‘Nezinsuku Zokugcina,’” eyolandelwa inkulumo ethi “‘Anilwazi Usuku Nehora’—Ngani?” nethi “Yazini Ukuthi Ukuphela Kuseduze.” Ngemva kwalokho kuyolandela uchungechunge olunezinkulumo eziyisithupha oluthi “ ‘Hlalani Niphapheme’ Njengemikhaya YamaKristu!” Izinkulumo zokuqala ezintathu zixoxa ngokuqondile namadoda, abesifazane nezingane. Izingxenye zokugcina ezintathu zinesihloko esithi “Gcina Iso Lakho Lilihle,” “Qhubekani Niphishekela Imigomo Engokomoya,” nesithi “Londolozani Ubusuku BoKukhulekela Komkhaya.” Isimiso santambama siyophetha ngenkulumo ethi “Amavesi Asikhuthaza Ukuba ‘Siqaphelisise.’”

Isihloko sangoMgqibelo sithi “Hlalani Nisangulukile, Qaphani,” sisekelwe kweyoku-1 Petru 5:8. Uchungechunge olunezinkulumo ezinhlanu oluthi “Siza Abantu ‘Ukuba Bavuke Ebuthongweni,’” luyoba nenkulumo ethi “Inkonzo Yethu—Kungani Ibaluleke Kangaka?,” “Qaphela Izimo Enkonzweni,” “Gxila Ekuthuthukiseni Amakhono Akho,” “Ungazikhohlwa Izihlobo Zakho!,” nesithi “Londoloza Umuzwa Wokuphuthuma!” Ngemva kwenkulumo ethi “Lingisa Isibonelo SikaJesu Sokuqapha” nethi “Phaphamelani Ukuthandaza,” isimiso siyophetha ngenkulumo yobhapathizo, okuyothi ngemva kwayo abafanelekayo bathole ithuba lokubhapathizwa.

Isimiso sangoMgqibelo ntambama siyoba nochungechunge olunezinkulumo ezinhlanu oluthi “Qaphela Izingibe ZikaSathane!”—“Umlilo,” “Umgodi,” “Ugibe,” “Ugibe Oluminyanisayo” nesithi “Ugibe Oluchobozayo.” Kuyobe sekulandela inkulumo ekhethekile ethi “Ngeke Ngiziphuce Ubuqotho Bami Ngize Ngiphangalale!” Isimiso sosuku siyophetha ngenkulumo ethi “Ungabheki ‘Izinto Ezingemuva’” nesithi “Funda Ukuqapha Kubaphostoli BakaJesu.”

Isihloko sangeSonto, esisekelwe kuHabakuki 2:3, sithi: “Hlala Uwulindele . . . Ngeke Wephuze.” Ngemva kwenkulumo edingida isihloko sosuku, kuyoba nochungechunge oluthi “Gxilisa Amehlo Akho Ezintweni Ezingabonwayo” oluyodingida izihloko ezilandelayo: “Izimpondo Eziyishumi . . . Ziyosizonda Isifebe,” “Izizwe Kuyodingeka Zimqaphele UJehova,” “‘Yonke Le Mibuso’ Iyochotshozwa,” “UDeveli Uyoboshwa Iminyaka Eyinkulungwane,” “Bayokwakha Izindlu Batshale Nezivini,” “Impisi Newundlu . . . Kuyodla Ndawonye,” “UNkulunkulu. . . Uyosula Zonke Izinyembezi,” “Bonke Abasemathuneni Bayokhunjulwa . . . Baphume,” nesithi “UNkulunkulu Uyoba Yizinto Zonke Kubo Bonke.” Inkulumo yeningi, enesihloko esithi “Ungasinda Kanjani Ekupheleni Kwezwe?,” iyophetha isimiso sasekuseni.

Ingxenye ekhethekile ngeSonto ntambama kuyoba idrama yesimanje ethinta inhliziyo enesihloko esithi “Umfowenu Ubefile Wabuye Waphila,” esekelwe emfanekisweni kaJesu wendodana yolahleko. Ngemva kweSifundo Se-Nqabayokulinda samasonto onke esifingqiwe, umhlangano uyophetha ngenkulumo ethi “Lukhumbule Njalo Usuku LukaJehova!”

Hlela manje ukuba ube khona. Ukuze uthole indawo eseduze nawe, thintana neHholo LoMbuso LoFakazi BakaJehova endaweni yakini noma ubhalele abashicileli balo magazini. Kwezinye izindawo kuyoba nemihlangano yezizwe yezinsuku ezine.