Izigidi Ziyokuya—Wena?

◼ Ziyokuya kuphi? EMhlanganweni Wesigodi WoFakazi BakaJehova onesihloko esithi “Ukukhululwa Kuseduze!” Amakhulu ale mihlangano yezinsuku ezintathu, eqale e-United States ngempelasonto yokugcina ka-May, ahlelelwe ukuba aqhubeke izinyanga eziningi ezilandelayo emadolobheni emhlabeni wonke. Onyakeni wamuva nje, kwaba nabantu abacishe babe yizigidi ezingu-11 emihlanganweni engu-2 981 yezinsuku ezintathu enjengalo!

Ezindaweni eziningi isimiso siqala ngo-9:30 ekuseni ngomculo. NgoLwesihlanu, kuyoba nesihloko esithi “Zinake Izithembiso ZikaJehova Zokukhulula” nesithi “Indlela UJehova Amkhulula Ngayo ‘Ohluphekayo Okhalela Usizo.’” Inkulumo eyisihluthulelo eyophetha isimiso sasekuseni ithi “Amalungiselelo KaJehova ‘Okukhululwa Kwethu Kwaphakade.’”

Isimiso santambama ngoLwesihlanu siyohlanganisa nenkulumo ethi “UJehova Ubanakekela Ngesisa Asebekhulile,” “Ukukhululwa Ezingcindezini Ezibuhlungu,” nethi “Indima Yezingelosi Ekunikezeni ‘Inkonzo Yasobala.’” Uchungechunge olunezinkulumo ezine olunesihloko esithi “UJehova—‘UMenzi Wendlela Yokuphunyuka’” luyokwandulela inkulumo yokugcina yesimiso enesihloko esithi “Asikho Isikhali Noma Ulimi Olumelene Nathi Oluyophumelela.”

Isimiso sangoMgqibelo ekuseni sihlanganisa uchungechunge olunezinkulumo ezintathu olunesihloko esithi “Qhubeka ‘Ngaphandle Kokuyekethisa,’” nesithi “Ukukhululwa Esicuphweni Somcuphi Wezinyoni,” kanye nesithi “Ukuhlola Izinto ‘Ezijulile ZikaNkulunkulu.’” Isimiso sasekuseni siyophetha ngenkulumo eyolandelwa ukubhapathizwa emanzini kwalabo abafanelekayo.

Izinkulumo zangoMgqibelo ntambama zihlanganisa ezithi “Yiba Nombono OngokomBhalo Ngokunakekela Impilo,” “Yimuphi Umoya Obusa Ukuphila Kwakho?,” “Londoloza ‘Imicu Emithathu’ Emshadweni,” kanye nethi “Basha, ‘Mkhumbuleni Manje UMdali Wenu Omkhulu.’” Inkulumo yokuphetha enesihloko esithi “Ingabe Uphila Unosuku LukaJehova Engqondweni?,” inikeza izeluleko ezisebenzayo osukwini lwethu.

Isimiso sangeSonto ekuseni siyohlanganisa nochungechunge olunesihloko esithi “Umbuso Wamazulu . . . ” Izinkulumo ezine zixoxa kafushane ngeminye yemifanekiso kaJesu.

Isimiso sasekuseni siyoqhubeka ngenkulumo eyokwethula isenzakalo esivelele somhlangano, idrama yasendulo esekelwe esahlukweni 13 sencwadi yeBhayibheli yamaKhosi Okuqala. Isimiso sokugcina somhlangano ngeSonto ntambama sinenkulumo yeningi ethi “Ukukhululwa UMbuso KaNkulunkulu Kuseduze!”

Hlela manje ukuba ube khona. Ukuze uthole indawo yomhlangano eseduze nawe, buza eHholo LoMbuso LoFakazi BakaJehova eliseduze noma ubhalele abanyathelisi balo magazini.