Izigidi Ziyaya—Wena?

Ziyaphi? Emkhosini waminyaka yonke wokugubha ukufa kukaJesu Kristu. Ngonyaka ka-2000, babengu-14 872 086 ababa khona emhlabeni wonke.

Kungani abantu beya? Ngenxa yalokho ukufa kukaKristu okukushoyo ngesintu. Kusho ukukhululwa maduzane ekuguleni, ekuhluphekeni nasekufeni. Ngisho nabafileyo abathandekayo bayovuselwa ekuphileni emhlabeni oyipharadesi.

Ukufa kukaJesu kungaziletha kanjani izibusiso ezinjalo? Uyamenywa ukuba uzozizwela. OFakazi BakaJehova bangajabula ukuba uhlanganyele nabo kulesi senzakalo esibalulekile.

Yiba khona eHholo LoMbuso eliseduze nalapho uhlala khona. Kulo nyaka lo mkhosi uyoba ngeSonto, ngo-April 8, ngemva kokushona kwelanga. Thintana noFakazi bendawo ukuze uthole isikhathi esinembile.