Ingabe Uyazi?

(Izimpendulo zale mibuzo zingatholakala ezikhombweni zeBhayibheli ezinikeziwe, kanti uhlu oluphelele lwezimpendulo lunyatheliswe ekhasini 27. Ukuze uthole ukwaziswa okwengeziwe, bheka incwadi ethi “Insight on the Scriptures,” enyatheliswa i-Watchtower Bible and Tract Society of New York, Inc.)

1. Yini eyayiwumngcele weZwe Lesithembiso enyakatho neyayiphakeme kunazo zonke ePalestine? (Joshuwa 12:1)

2. Iyiphi imfanelo uJehova anayo futhi efiselekayo kubantu, engelona uphawu lobuthakathaka? (IHubo 18:35)

3. Mangaki amabutho ase-Asiriya abulawa yingelosi kaJehova ngobusuku obubodwa? (2 AmaKhosi 19:35)

4. Ubani owathela amafutha anamakha abizayo ezinyaweni zikaJesu futhi wawasula ngezinwele zakhe? (Johane 12:3)

5. Obani amagama ababelethisi abangamaHeberukazi abawushaya indiva umyalo kaFaro wokubulala abantwana babafana futhi uJehova wababusisa nemikhaya yabo? (Eksodusi 1:15-21)

6. Iyiphi inkosi yakwaJuda, okwathi nakuba ngezinye izikhathi yayenza ngokungafanele phakathi nokubusa kwayo kweminyaka engu-41, kodwa yabhekwa njengenye yamakhosi athembekile? (1 AmaKhosi 15:14, 18)

7. Esiprofethweni sokubuyiselwa, yisiphi isilwane okuthiwa ‘siyokudla utshani njengenkomo’? (Isaya 65:25)

8. Kungani wonke amadoda aseSodoma, kusukela kwamasha kuya kwamadala, azungeza indlu kaLoti? (Genesise 19:4, 5)

9. Lapho ephendula umthandazo kaSamuweli, yini uJehova ayisebenzisa ekungquzuleni amaFilisti, okwenza anqotshwa? (1 Samuweli 7:9, 10)

10. Yisiphi isizathu uMose asinikeza lapho ecela uFaro ukuba adedele ama-Israyeli ahambe? (Eksodusi 5:1)

11. Igatsha lamuphi umuthi othela izithelo elivame ukusetshenziswa njengophawu lokuthula? (Bheka u-Isaya 17:6.)

12. Iyiphi incwadi eyabhalwa kuqala phakathi kwezincwadi zeBhayibheli ezinhlanu ezabhalwa uJohane?

13. Ubani isaga esithi “ungumqhele kuyo indoda yakhe”? (IzAga 12:4)

14. Ubani owenqaba ukuvuzwa iNkosi uDavide ngenxa yokuba neminyaka engu-80 ubudala, nakuba ayekufanelekela? (2 Samuweli 19:31-36)

15. Lingakanani inani lezingelosi elingokomfanekiso okuthiwa uSathane walidukisa? (IsAmbulo 12:4)

Izimpendulo Zemibuzo

1. INtaba yaseHermoni

2. Ubumnene

3. Angu-185 000

4. UMariya, udadewabo kaMartha noLazaru

5. UShifira noPhuwa

6. U-Asa

7. Ingonyama.

8. Ayefuna ukudlwengula izivakashi zakhe eziyizingelosi

9. Ukuduma

10. Ukuze benzele uJehova umkhosi ehlane

11. Lomnqumo

12. IsAmbulo

13. “Owesifazane okhutheleyo”

14. UBarizilayi, wakwaGileyadi eRogelimi

15. Okwesithathu