“I-Phaphama! Yasindisa Ukuphila Kwami”

“Ngo-10:00 ebusuku, ngo-November 11,” kubika u-Arthur, eSuva, eFiji, “ngaqala ukuzwa ubuhlungu esifubeni, engacabanga ukuthi isilungulela. Umkami, u-Esther, wayeqiniseka ukuthi ngangihlaselwa isifo senhliziyo, njengoba athi izimpawu zami zazifana nalezo ezazichazwe kuyi-Phaphama! ka-December 8, 1996, kwesithi “Isifo Senhliziyo—Yini Engenziwa?,” ayesanda kusifunda.

“Ngakhuluma nodokotela wami ocingweni, wangeluleka ukuba ngiphuze imithi yesilungulela, ngilale, ngimbone ekuseni. Nokho, izinhlungu zaphikelela. Ngabe sengicela u-Esther ukuba alethe i-Phaphama! afunde ingxenye ethi “Izimpawu Zesifo Senhliziyo.” Ngemva kokungifundela, ngavuma ukuyiswa esibhedlela.

“Ukuhlolwa kwabonisa ukuthi ngangihlaselwa isifo senhliziyo, futhi ngalaliswa esibhedlela. Ezinsukwini ezinhlanu ezalandela, ngaphuziswa umuthi onamandla futhi owangilalisa ngokuphelele. Uchwepheshe wezifo zenhliziyo wathi nganginenhlanhla ngokubona ukuthi ngangihlaselwa isifo senhliziyo.

“Ngo-January 9, 1997, ngahlinzwa inhliziyo amahora amane eSydney, e-Australia. ‘Isifo semithambo yenhliziyo sasisibi kakhulu,’ kusho umbiko kadokotela ohlinzayo. Isimo semithambo yami yenhliziyo sabonisa ukuthi ngangizohlaselwa isifo senhliziyo esinzima phakathi nezinyanga ezimbalwa ukuba okuka-November 11 kwakuzokwenzeka kungabonakalanga.

“Ngingasho ngokungananazi ukuthi i-Phaphama! yasindisa ukuphila kwami, njengoba ngangiyokudlulisa nje ukuhlaseleka kwami ngicabanga ukuthi isilungulela.”

I-Phaphama! izama ukunikeza ukwaziswa okufike ngesikhathi nokwakamuva ezindabeni eziningi. Uma ungathanda ukuthola lomagazini njalo, tshela oFakazi BakaJehova ngesikhathi esilandelayo lapho befika, noma ubhalele ekhelini elifanele ekhasini lesi-5.