Ingabe Uyazi?

(Izimpendulo zalemibuzo ungazithola emibhalweni yeBhayibheli enikeziwe, futhi uhla oluphelele lwezimpendulo lutholakala ekhasini 27. Uma ufuna ukwaziswa okwengeziwe, hlola incwadi ethi “Insight on the Scriptures,” ekhishwa yi-Watchtower Bible and Tract Society of New York, Inc.)

1. Yimuphi umsebenzi owawuhlanganiswa noJesu endaweni yakubo? (Marku 6:3)

2. Yimuphi umKristu waseRoma onina wayethandeka kakhulu kuPawulu kangangokuthi uPawulu naye wayembiza ngomama wakhe? (Roma 16:13)

3. Izinhloli ezathunywa uMose eHebroni zabona maphi amadoda abukhulu bawo obungavamile bethusa eziyishumi zazo kangangokuba zesaba ukungena eZweni Lesithembiso? (Numeri 13:22, 32, 33)

4. Ngokwezilinganiso zamandulo, angakanani amafutha omnqumo ayesetshenziselwa ukwenza amafutha okugcoba angcwele? (Eksodusi 30:24)

5. Yini eyokwenzeka ‘egameni lababi’? (IzAga 10:7)

6. Udwendwe lomngcwabo kaJakobe lwama kuyiphi indawo izinsuku eziyisikhombisa zokulila ngaphambi kokuba angcwatshwe emhumeni waseMakaphela? (Genesise 50:10)

7. Kungani inkosi yasePheresiya u-Ahashiveroshi yayala izinduna zayo ukuba zilethe iNdlovukazi uVashiti phambi kwayo? (Esteri 1:10, 11)

8. Isiphi isenzakalo esaholela ekufeni kuka-Absalomu? (2 Samuweli 18:9)

9. Yini uKalebi ayithembisa lowo owayeyonqoba inqaba yaseDebiri njengomklomelo? (Joshuwa 15:16)

10. Ukuze abonise ubuphakade bakhe, uJehova uzichaza ngamaphi amazwi encwadini yesAmbulo? (IsAmbulo 1:8; 21:6)

11. Yayiyini ingubo engokwesiko yokulila ngezikhathi zeBhayibheli? (Genesise 37:34)

12. Lapho engasamukeli isimemo sikaDavide, ubani uBarizilayi atusa ukuba athathe indawo yakhe endlini yenkosi? (2 Samuweli 19:37)

13. Yini uPawulu ayambula eyenza ukuba angabhaxabulwa ngesikhathi eseJerusalema? (IzEnzo 22:24-29)

14. INkosi uSawule yabonana kuphi nonedlozi? (1 Samuweli 28:7)

15. Yini amaRoma ayibeka esandleni sikaJesu sokudla embhinqa futhi kamuva amshaya ngayo ekhanda? (Mathewu 27:29, 30)

16. Ubani owayekade eyisifebe kamuva owaba ukhokho kaJesu? (Mathewu 1:5)

17. USipora umkaMose, wasebenzisa liphi itshe elicijile ukusoka indodana yakhe, ngaleyo ndlela evimbela inhlekelele? (Eksodusi 4:25)

18. Bayokwahlulelwa ngani abantu abavusiwe? (IsAmbulo 20:12)

19. Igama likabani elisho “umphikisi”? (Zakariya 3:1)

20. Icala elibekwa “indoda endala” akumelwe livunywe ngaphandle kokuba kunabuphi ubufakazi? (1 Thimothewu 5:19)

21. Ubani owabopha uJeremiya emlahla ngecala elingamanga lokuzama ukuhlubuka kwabaseBabiloni? (Jeremiya 37:13, 14)

22. Ngenxa yesono sika-Akani, ama-Israyeli anqotshwa amadoda amuphi umuzi? (Joshuwa 7:4, 5)

23. Umuntu ophilayo ongafuni ukusebenza yini okungamelwe avunyelwe ukuyenza? (2 Thesalonika 3:10)

24. Ngenxa yobubi, imaphi amadodana amabili kaJuda abulawa uJehova? (Genesise 38:7-10)

25. Kwa-Israyeli wasendulo ukwehluleka ukugcina ini okwakunesijeziso sokufa? (Eksodusi 31:14, 15)

Izimpendulo Emibuzweni

1. Ukubaza

2. URufu

3. Abakwa-Anaki, noma amadodana ka-Anaki, lawo abawaphambanisa nenzalo yamaNefili

4. Ihini

5. Liyobola

6. EGoveni-Hathadi

7. Ukuze abukise ngobuhle bakhe

8. Ngesikhathi egibele umnyuzi, ikhanda lakhe labambeka emagatsheni omuthi omkhulu, walenga emoyeni

9. Ukushada indodakazi yakhe u-Akisa

10. “Ngingu-Alfa no-Omega, isiqalo nesiphetho”

11. Indwangu yamasaka

12. UKimihamu

13. Ukuthi ungumRoma

14. E-Eni-Dori

15. Umhlanga

16. URahabi

17. Insengetsha

18. “Ngokwalezozinto ezazilotshwe emiqulwini ngokwezenzo zabo”

19. USathane

20. Ofakazi ababili noma abathathu

21. U-Iriya

22. I-Ayi

23. Ukudla

24. U-Eri no-Onani

25. ISabatha