“Iyiqoqo Lamagugu Olwazi”

Indoda esebenzela umagazini i-THENEWS waseLagos, eNigeria, yabhalela ihhovisi legatsha loFakazi BakaJehova kulelozwe futhi yachaza i-Phaphama! ngalamazwi angenhla. Yachaza:

“Njalo lapho ngifunda ikhophi ye-Phaphama!, ngishukumiseleka ukuba nginibhalele. Kodwa ngokuvamile, lapho nje sengizobhala incwadi, kufika omunye umagazini omuhle ngokufanayo, eqinisweni ongcono, uphinde ungibambe futhi.

“Ngiqonde ukuthini ngakho konke lokhu? Ngokwami, i-Phaphama! iyiqoqo lamagugu olwazi. Angivamile ukubona incwadi enothé kanje, enhle, enokulinganisela, nebhalwe yahlelwa ngobuciko kanje. Iyisipho esibaluleke kakhulu esintwini.

“Ngokusuka ekujuleni kwenhliziyo yami ngifisa ukusho lokhu: Ngibonga ngiyanconcoza. Qhubekelani phambili nomsebenzi omuhle.”

Sethemba ukuthi nawe uyozuza ngokufunda i-Phaphama! Uma ungathanda ukuthola ukwaziswa okwengeziwe ngokuthi ungayithola kanjani enye ikhophi noma uma ungathanda ukuba othile akuvakashele lapho uhlala khona akazoxoxa nawe ngeBhayibheli, siza ubhalele i-Watch Tower, Private Bag X2067, Krugersdorp, 1740, South Africa, noma ekhelini elifanele ohlwini olusekhasini 5.