Insiza-kufundisa Yendlela Yokuphila

Uthisha othile waseZimbabwe, e-Afrika, waphawula ukuthi eNyatsime College, lapho efundisa khona, kunesifundo okuthiwa “Imfundo Yendlela Yokuphila.” Wachaza izinkinga ayenazo emkhayeni wayesevuma ukuthi wayedinga usizo lokuzixazulula.

Echaza okwenzeka ngemva komshado wakhe, wathi: “Cishe izinkinga zaqala ngokushesha nje futhi zaholela ekutheni sinqume ukuhlala ngokuhlukana ngo-November 1989.” Kwakukhona nezinye izinkinga. Wabhala: “Ngiyindodana eyizibulo kumama, owayengunkosikazi kababa wokuqala. Lapho ngenza unyaka wesibili wokufundela ubuthisha, ubaba washona, eshiya ezandleni zami abafowethu nodadewethu abangelamayo abangu-16.”

Ukufunda iBhayibheli noFakazi BakaJehova kwasiza lothisha ukuba axazulule izinkinga zomkhaya wakhe. Yena nomkakhe sebebuyisene futhi bajabulile. Wabhala: “Mina nomkami siye safunda kokuhlangenwe nakho kwethu okubuhlungu ukuthi imizamo yomuntu yokuxazulula izinkinga zakhe ngaphandle kukaNkulunkulu iyize.” Nokho, kuthiwani ngokusiza abafundi abafundisayo ezinkingeni zabo?

Wabhala: “Ngatusa incwadi ethi Intsha Iyabuza—Izimpendulo Ezisebenzayo kuthisha-nhloko nakwabanye othisha njengencwadi efanelekayo. Bonke bavuma, futhi isikole sa-oda izincwadi ezingu-56, esengizilethile.”

Sikholelwa ukuthi nawe uyozuza kakhulu kulensiza-kufundisa enemifanekiso ekhangayo, enamakhasi angu-320. Uma ungathanda ukuthola ukwaziswa okwengeziwe ngendlela ongathola ngayo ikhophi yayo noma ungathanda ukuba nesifundo seBhayibheli sasekhaya samahhala, siza ubhalele i-Watch Tower, Private Bag X2067, Krugersdorp, 1740, South Africa, noma ekhelini elifanele kwasekhasini 5.