Iluphi Ulimi Olukhulunywa Kakhulu?

Uma kungukuthi ucabanga ngolimi oludume kakhulu lwezizwe zonke, ngokunokwenzeka uzophendula lowombuzo ngokuthi “isiNgisi.” Nokho, ngokweWorld Almanac and Book of Facts ka-1990, isiMandarin saseShayina, esikhulunywa abantu abayizigidi ezingu-844, yilona limi olusetshenziswa kakhulu umkhaya wesintu. Lokhu kuqhathaniseka nezigidi ezingu-437, ezisakazeke emhlabeni wonke, ezikhuluma isiNgisi. Iluphi ulimi ocabanga ukuthi lungaba olwesithathu ohlwini lomhlaba? IsiFulentshi noma isiPanishi? Cha. IsiHindi, esikhulunywa abantu abayizigidi ezingu-338, ikakhulu eNdiya. IsiHindi nesiUrdu, ezikhulunywa izigidi ezingu-90, ikakhulu ePakistan, “ngokuyinhloko ziwulumi olufanayo, isiHindustani,” ngokusho kwayo lencwadi.