Ihubo.
98 Hubelani uJehova ingoma entsha, +
Ngoba wenze izinto ezimangalisayo. +
Isandla sakhe sokudla, ingalo yakhe engcwele, silethe insindiso. +
2 UJehova wenze insindiso yakhe yaziwa; +
Ukwambulile ukulunga kwakhe ezizweni. +
3 Usikhumbulile isithembiso sakhe sokubonisa indlu ka-Israyeli uthando oluqotho nokuthembeka. +
Umhlaba wonke uyibonile insindiso kaNkulunkulu wethu. +
4 Memezani ngenjabulo nidumise uJehova, nonke nina bantu basemhlabeni.
Thokozani nimemeze ngenjabulo nihube izingoma zokudumisa. +
5 Hubelani uJehova ngehabhu,
Ngehabhu nangengoma emnandi.
6 Ngamacilongo nangomsindo wophondo, +
Memezani ngenjabulo phambi kweNkosi, uJehova.
7 Ulwandle maludume nakho konke okukulo,
Umhlaba nabahlala kuwo.
8 Imifula mayishaye ihlombe;
Izintaba mazimemeze ngenjabulo kanyekanye +
9 Phambi kukaJehova, ngoba uyeza uzokwahlulela umhlaba.
Uzokwahlulela abahlala emhlabeni ngokulunga +
Nezizwe ngobulungisa. +