¿Zedandá dxi chuʼ binni de guiráʼ raza tobi si la? | ¿Xi caníʼ Biblia de laani?

Stale tu riníʼ ique qué ziuu dxi chuʼ binni de guiráʼ raza tobi si.

• «Dede yanna nuu binni nanalaʼdxiʼ xcaadxi pur raza stiʼ ndaaniʼ tiica empresa, pa ricu o pa pobre laa ne ra tiica nabeza. Ne pur nga nuu binni riníʼ ique jma risaca que xcaadxi» (António Guterres, secretario general de las Naciones Unidas).

¿Zedandá ti dxi ziuu binni de guiráʼ raza tobi si la? ¿Xi caníʼ Biblia de laani?

Ximodo ruuyaʼ Dios ca binni de guiráʼ raza

Lu Biblia riete ximodo ruuyaʼ Dios binni de guiráʼ raza.

• «De ti hombre si [bizáʼ Dios] guiráʼ binni ni nuu ndaaniʼ guiráʼ guidxi para guibánicaʼ lu guidubi guidxilayú» (Hechos 17:26).

• «Biaʼca risaca guiráʼ binni nezalú Dios ne runi aceptar ca ni ridxibi laa ne rúnicaʼ ni jneza, intiica guidxi laacaʼ» (Hechos 10:34, 35).

Rabi Biblia laanu ti familia si nga guiráʼ xixé binni ne nadxii Dios binni de guiráʼ raza.

Xi zacané para chuʼ binni de guiráʼ raza tobi si

Reinu stiʼ Dios nga ti gobiernu ni nuu guibáʼ ne laani nga ni chigacané binni chuʼ tobi si. Zusiidiʼ gobiernu riʼ binni ximodo guni tratarcaʼ sti binni galán. Zaziidiʼ binni maʼ cadi gacananalaʼdxiʼ binni de sti raza.

• «Zaziidiʼ binni guidxilayú xii nga ni jneza» (Isaías 26:9).

• «Ne dxandíʼ peʼ ziuu paz purtiʼ cayaca ni jneza ne pur cayaca ni jneza gastiʼ zuchiiñaʼ binni ne qué ziuuruʼ dxi chuʼ ni guchibi laacaʼ» (Isaías 32:17).

Ca dxi riʼ, stale binni maʼ cayuundaʼ Biblia ne maʼ caziidicaʼ ximodo guni tratarcaʼ binni né respetu ne cadi gúnicabe menu laacaʼ.

• Pa racaláʼdxiluʼ gánnaluʼ jma la? biindaʼ revista ¡Gutaná!, ni láʼ «¿Ñee nuu ti remediu para prejuiciu la?».

• Para ganna ca padre ximodo guiníʼnecaʼ xiiñicaʼ de tema riʼ la? biindaʼ artículo «¿Cómo hablar con sus hijos sobre el racismo?».