Abdías: guidxíbinu Dios

Abdías nga ni ruuyaʼ guiráʼ ni raca ndaaniʼ palaciu stiʼ rey Acab. Bidii rey malu riʼ lugar guni adorar binni Baal guidubi naca guidxi ra runi mandar. Peru Abdías maca de dxi nahuiiniʼ biziidiʼ guidxibi Jehová (1 Rey. 18:1-13). Ngue runi ora biʼniʼ mandar reina Jezabel guuticabe guiráʼ ca profeta stiʼ Jehová, gunna Abdías naquiiñeʼ guni xiixa nagueendaca ne gapa valor para cadi guizaaca ngue. Ti profeta si gucaachiʼ tuuxa ziuu xquendanabani ra naxoo, ¡peru laabe bicaachibe ti gayuaa profeta ne bidiibe ni gudocaʼ neca nuu ti hambre guizáʼ feu ndaaniʼ guidxi que! Cumu nuu stale profeta ni qué runi ni ná Dios ni runi xhiiñaʼ rey ne reina que, ¿ñee riníʼ íqueluʼ pabiáʼ nagana guca para laabe cadi igaabe la? (1 Rey. 18:19).

¿Xi zanda guizíʼdinu de ejemplu stiʼ Abdías? Neca nabé bidxíbibe Acab, peru jma nga bidxíbibe Dios. Ne nga bidii laabe valor para cuʼbe xquendanabánibe ra naxoo, peru jma nga bidxíbibe Dios ne gápabe ca bíʼchibe. Pa cucueezacabe laanu de gúninu xhiiñaʼ Dios lugar ra nabézanu. Laaca naquiiñeʼ guidxíbinu Dios. Ra guidxíbinu Dios zudiini laanu stipa para gacanenu ca hermanu stinu ni cadíʼdicaʼ guendanagana.