Bixuiʼlú ca relatu ni zeeda lu Biblia

Lu Biblia zeeda stale historia ni rusiidiʼ laanu stale cosa risaca. Xiixa ni zacané laanu guiene chaahuinu cani ne cueendunu ni galán nga guxuíʼlunu ni cadúʼndanu. Guidúʼyanu chupa chonna conseju ni zacané laanu gúninu ni.

• Guidúʼndanu en voz alta. Zacá zanda guiníʼ ique chaahuinu ni cazaaca. Pa cayuundanenu ni familia stinu la? zanda guʼndaʼ ca tobi de laanu ra riníʼ ti personaje ne nga zacané laanu guxuíʼlunu ni cazaaca.

• Guiníʼ íquenu ni cazaaca raqué. Gúninu stipa chuʼnu lugar stiʼ ca personaje ca ti zacá guiénenu ni caníʼ íquecaʼ ne ni cayuni sentircaʼ. Zanda guiníʼ íquenu ndiʼ: «¿Xiñee caniʼbe o xiñee cayúnibe nga pue? ¿Xi ñuneʼ pa ñacaʼ laabe yaʼ? ¿Ximodo ñuneʼ sentir?».

• Gúninu dibuju. Neca huaxiéʼ nánnanu gúninu dibuju, peru pa gúninu stipa guni dibujarnu ni cadúʼndanu zanda gacaneni laanu guxuíʼlunu ne guietenaláʼdxinu ca relatu ca.