Cani chiguieeteʼ
◼ Cani zanda gusaananu lu beeu diciembre: Biʼniʼ adorar tobi lucha Dios ni dxandíʼ. Laaca zanda gusaanatu ca folletu ni nápatu lu stiidxatu. Enero: revista Torre stiʼ ni rapa ne ¡Despertad! Ora chigánnatu binni sti biaje la? laguni stipa pur guzulú gúʼndanetu laacabe libru Xipeʼ ndiʼ cusiidiʼ Biblia. Febrero: Libru stinneʼ de ca historia stiʼ Biblia, ne laaca zanda gusaanatu discu stini. Marzo: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia.
◼ Videu ni láʼ La Biblia: el libro más antiguo y actual ziuundaʼ ni dxi gaca ti Guendaridagulisaa stiʼ Dxiiñaʼ Stinu lu beeu marzo. Pa caquiiñetu DVD La Biblia: libro de hechos y profecías ra ridagulisaatu la? laguinaba ni nagueenda.
◼ Zietenaláʼdxinu guendaguti stiʼ Jesús martes 30 stiʼ marzo 2010, zácani guiaaziʼ si Gubidxa. Cuzéʼtedu padxí chigácani dede ante ti ganda guidxela ca neza binni ridagulisaa ni riquiiñecaʼ ngueca Yoo stiʼ Reinu sti lugar para gúnicaʼ ni. Ca binnigola ca nápacabe xidé guiniʼnécabe dueñu stiʼ yoo ra chiguietenaláʼdxicabe guendaguti stiʼ Cristu, ti cadi chuʼ xiixa ni guchiiñaʼ laacabe dxi ca.
◼ Cusietenaláʼdxidu ca neza binni ridagulisaa guseendacaʼ ti guiʼchiʼ Betel ra guicá pora chigaca ca guendaridagulisaa sticaʼ ra guiuʼnu 1 stiʼ enero. Pa caʼruʼ gúnicabe ni la? secretariu stiʼ ca binni ridagulisaa ca naquiiñeʼ guseendaʼ ni nagueenda ca.
◼ Betel riquiiñeʼ gapa ca guiʼchiʼ ni jma nacubi ra cá xi teléfono ne pa neza lidxi ca binnigola ni rapa guiráʼ stiʼ ca binni ridagulisaa ne stiʼ ca secretariu. Ora guidxaa xiixa númeru lu teléfono stícabe la? Grupu ni Ruuyaʼ Dxiiñaʼ stiʼ ca Binni Ridagulisaa riquiiñeʼ guchacaʼ ne guni firmarcaʼ guiʼchiʼ ni láʼ Cambio de dirección del superintendente presidente y/o secretario (S-29-S) ne guseendacabe ni nagueendaca.
◼ Binnigola ni rapa guiráʼ stiʼ ca binni ridagulisaa zábibe ti xpinni Cristu guʼyaʼ pa jneza nuu ca guiʼchiʼ ra cá pagala nápatu stiʼ beeu septiembre, octubre ne noviembre. Cadi ti binni si nga guni dxiiñaʼ ca guiráʼ biaje. Ora maʼ gúcani la? naquiiñeʼ guieeteʼ ni nezalú ca binni ridagulisaa guiluxe guiníʼsitu pagala nuu (laguuyaʼ guiʼchiʼ ni láʼ Instrucciones para la contabilidad de la congregación [S-27-S]).