Cani chitiidiʼ lu guendaridagulisaa stiʼ dxiiñaʼ stinu

Semana 8 stiʼ diciembre

Diidxaʼ riuundaʼ 19

10 min. Cani chiguieeteʼ stiʼ ca binni ridagulisaa. Biquiiñeʼ cani zeeda lu yaza 8 para guiniʼluʼ ximodo zanda gusaananu Torre stiʼ ni rapa octubre-diciembre ne ¡Despertad! stiʼ diciembre. Gunabaʼ cani cucaadiaga guiniʼcaʼ ximodo huayúnicaʼ para gusaana cani. Gudxi laacabe guiníʼcabe xi tema, xi gunabadiidxacabe binni ne xi textu biquiiñecabe.

15 min. Scuela stiʼ cani Rucheeche Diidxaʼ 2009. Libana ni gudii binnigola ni rutiidiʼ scuela ca. Biindaʼ cani jma naquiiñeʼ ganna ca binni ridagulisaa ni zeeda lu ni rizaané Xhiiñaʼ Reinu ni Rúninu stiʼ octubre 2008. Bizeeteʼ xi dxiiñaʼ runi ni racané gudii conseju. Guluu gana laacabe para gudiicabe ca libana stícabe, guicábicabe lu cani bibí ra biuundaʼ Biblia ne gúnicabe ni na ca conseju stiʼ libru Benefíciese ni guieeteʼ guiráʼ semana.

20 min. «Ñee caquiiñeluʼ libru Razonamiento la?»a Ora maʼ cayuundaʼ párrafo 4 ca tiidiʼ ti precursor o tobi ni rucheeche diidxaʼ para guluíʼ ximodo zanda iquiiñenu libru Razonamiento para guicábinu ndiʼ «Xiñee qué runi ca testigu stiʼ Jiobá Navidad».

Diidxaʼ riuundaʼ 6

Semana 15 stiʼ diciembre

Diidxaʼ riuundaʼ 178

10 min. Cani chiguieeteʼ stiʼ ca binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu.

10 min. Guzéʼtenu chupa chonna biaje ni nuunu ganna binni ora maʼ zigucheechenu diidxaʼ. Libana ra zanda guicabi cani cucaadiaga, zeedani lu libru Benefíciese yaza 207. Bitiidiʼ tobi o chupa modo zanda gaca ni zeeda lu yaza ca.

25 min. «Gucheechenu diidxaʼ ndaaniʼ ca lugar ra ruquíxecabe yoo.»b Gutiidiʼ binnigola ni ruuyaʼ modo rireeche diidxaʼ ni o sti binnigola. Bizeeteʼ modo zanda iquiiñeni neza ra rucheechetu diidxaʼ.

Diidxaʼ riuundaʼ 157

Semana 22 stiʼ diciembre

Diidxaʼ riuundaʼ 75

10 min. Cani chiguieeteʼ stiʼ ca binni ridagulisaa. Biindaʼ ca guiʼchiʼ ra cá pagala nápatu ne ca guiʼchiʼ ra cá pagala biseendatu Betel. Bizeeteʼ xi zusaananenu binni beeu enero, ne gutiidiʼ ti binnigola ximodo zanda gácani.

15 min. Chuʼnu listu para gusaananu Torre stiʼ ni rapa enero-marzo ne ¡Despertad! stiʼ enero. Libana ra zanda guicabi cani cucaadiaga. Despué de gusiéneluʼ chupa chonna de cani zeeda lu ca revista ca la? gunabadiidxaʼ cani cucaadiaga guiniʼcaʼ xi tema stícani jma ziuulaʼdxiʼ ca binni ni nuu neza ra rucheechetu diidxaʼ ne xiñee. Biquiiñeʼ ca tema ca para guinabadiidxaluʼ laacabe xi cá íquecabe gábicabe binni para guzulú guiniʼnécabe laa, ne xi textu guʼndanécabe binni ante gusaananécabe ni laa. Maʼ para guilúxeluʼ bitiidiʼ ximodo zanda gusaanatu cada tobi de ca revista ca ne biquiiñeʼ cani zeeda lu yaza 8 o sti modo zanda gácani neza ra rucheechetu diidxaʼ.

20 min. «Zaquiiñenu ti dxi para gábinu binni guidúʼndanenu laa de Biblia.» Bizeeteʼ xi sábadu o xi domingu stiʼ beeu enero zaquiiñetu para guyúbitu binni ni gúʼndanetu de Biblia. Biquiiñeʼ párrafo 3 para guluiʼluʼ ximodo zanda chuʼtu listu ne bitiidiʼ tobi o chupa modo zanda gácani.

Diidxaʼ riuundaʼ 133

Semana 29 stiʼ diciembre

Diidxaʼ riuundaʼ 215

Guendaridagulisaa ra Riuundaʼ Biblia

lr cap. 46 ne 47

Scuela stiʼ cani Rucheeche Diidxaʼ

Ra guiuundaʼ Biblia: Apocalipsis 15 dede 22

Guietenaláʼdxinu ni bizíʼdinu lu Scuela stiʼ cani Rucheeche Diidxaʼ

Guendaridagulisaa stiʼ Dxiiñaʼ Stinu

Diidxaʼ riuundaʼ 153

5 min. Cani chiguieeteʼ stiʼ ca binni ridagulisaa.

10 min. Ni caquiiñeʼ ca binni ridagulisaa.

20 min. «Naquiiñeʼ guni huantarnu ti cadi gusaananu de gucheechenu diidxaʼ.» Pa gudii tiempu la? gunabaʼ cani cucaadiaga gúʼndacaʼ ne guiniʼcaʼ xiná ca textu zeeda luni.

Diidxaʼ riuundaʼ 155

Semana 5 stiʼ enero

Diidxaʼ riuundaʼ 187

Guendaridagulisaa ra Riuundaʼ Biblia

lr cap. 48 ne zanda guzeetetu ca tema ni jma gucané laatu lu libru ca

Scuela stiʼ cani Rucheeche Diidxaʼ

Ra guiuundaʼ Biblia: Génesis 1-5

Primé: Mateo 5:17-32

Guiropa: Xiñee naquiiñeʼ gácanu «nachaʼhuiʼ» ne «nadóʼ» (my hist. 82)

Guionna: Cadi gusaanaluʼ de gaca xhamíguluʼ Dios neca chuʼ tu gucueeza lii (gf yaza 3 § 1-3)

Guendaridagulisaa stiʼ Dxiiñaʼ Stinu

Diidxaʼ riuundaʼ 98

5 min. Cani chiguieeteʼ stiʼ ca binni ridagulisaa.

10 min. Chuuláʼdxinu gucheechenu diidxaʼ casi biʼniʼ Jesús. Libana ra zanda guicabi cani cucaadiaga, zeedani lu libru “Ven, sé mi seguidor”, yaza 84 dede 86, párrafo 16 hasta 21.

8 min. «Iquiiñenu guiʼchiʼ ra cayaca invitar binni guʼndaʼ Biblia.» Libana ni gudii binnigola ni ruuyaʼ modo rireeche diidxaʼ. Ora guiuundaʼ párrafo 3 ca bitiidiʼ ximodo zanda iquiiñenu guiʼchiʼ ca para guni invitarnu tuuxa cheʼ ca guendaridagulisaa ca.

12 min. «Gucané binni guiziidiʼ guʼndaʼ ne gucaa.»* Gutiidiʼ ti binnigola ni. Gudxi ca binni ridagulisaa pa nuu tuuxa ni caquiiñeʼ guiziidiʼ guʼndaʼ ne gucaa ne xi maʼ nexheʼ gaca para gacanécabe laabe.

Diidxaʼ riuundaʼ 114

[Ni cá ñee yaza]