Cani chitiidiʼ lu scuela stiʼ cani rucheeche diidxaʼ iza 2009
MODO GÁCANI
Lu guidubi iza 2009, Scuela stiʼ cani Rucheeche Diidxaʼ zácani modo zeeda raríʼ:
CANI ZAQUIIÑEʼ: Stiidxaʼ Dios Didxazá, Traducción del Nuevo Mundo de las Santas Escrituras [bi12], “Toda Escritura es inspirada de Dios y provechosa” (ni biree 1990) [si-S], Libru stinneʼ de ca historia stiʼ Biblia [my], Lii zanda gaca xhamíguluʼ Dios [gf], ne Xi canabaʼ Dios lii guʼnuʼ [rq].
Scuela ca naquiiñeʼ guzuluni HORA STINI ne caadxi diidxaʼ para guidxagalúcabe binni, de racá maʼ gácani casi zeeda lu guiʼchiʼ riʼ. Ora guiluxe cada libana, binnigola ni rutiidiʼ scuela ca zaniʼbe tu chigudii sti libana.
CANI BIBÍ RA BIUUNDAʼ BIBLIA: 10 minutu. Ca primé tapa minutu ca la? ti binnigola (o ti siervu ministerial) ni nanna nga gudii libana riʼ ne guiniʼbe cani jma risaca ni biuundaʼ lu Biblia semana ca. Peru ora guiuundaʼ ca primé capítulo stiʼ ti libru zeeda lu Biblia la? zaquiiñebe tapa minutu ca para gutiidibe ni zeeda lu libru “Toda Escritura”. Casi semana 5 stiʼ enero ca la? ziuundaʼ ca primé gaayuʼ capítulo stiʼ Génesis. Nga runi, ni gudii libana riʼ semana ca zaquiiñeʼ ca primé párrafo stiʼ libru “Toda Escritura” ni cusiene xidé caníʼ libru stiʼ Génesis. Naquiiñeʼ gudiibe libana riʼ modo ganda iquiiñeʼ ca binni ridagulisaa ni gusiidibe. Pa biquiiñebe biaʼ ra biuundaʼ Biblia semana ca o libru “Toda Escritura” la? ni jma naquiiñeʼ guicá íquebe nga gacanebe cani cucaadiaga guiénecaʼ xiñee risaca ni caniʼbe ca ne ximodo zanda iquiiñecabe ni. Zúnibe stipa pur cadi guiniʼbe jma de tapa minutu ni maʼ nexheʼ para laani, ti guiaana xhoopaʼ minutu para guiníʼ cani cucaadiaga. Cani cucaadiaga zaniʼcaʼ ne huaxiéʼ diidxaʼ xi guyuuláʼdxicaʼ ne xi guleenducaʼ ora biindacaʼ laasicaʼ (cadi tiidiʼ ni guiníʼcabe jma de treinta segundu). De racá, binnigola ni rutiidiʼ scuela ca zanábabe cani caziidiʼ ca tiidicaʼ ndaaniʼ ca yoohuiiniʼ ra chigudiicaʼ libana sticaʼ.
PRIMÉ LIBANA: 3 ó 4 minutu. Gutiidiʼ ti hombre ni. Ni tiidiʼ guʼndaʼ ca qué zaníʼdibe gastiʼ para guzulube nin ora guilúxebe. Ni jma guicá ique binnigola ni rutiidiʼ scuela ca nga gacanebe cani gutiidiʼ libana ca guiénecaʼ ni cayuundacaʼ, gúnicaʼ ni jneza, gúʼndacaʼ casi ora ruiʼcaʼ diidxaʼ, gánnacaʼ paraa guindétecaʼ ne gudxiibacaʼ lu ridxi sticaʼ, paraa cuezadxicaʼ ne xii nga ni jma guzeetecaʼ.
GUIROPA LIBANA: 5 minutu. Gutiidiʼ ti gunaa ni. Ni rutiidiʼ scuela ca zanda gabi laabe iquiiñebe tobi de cani zeeda lu yaza 82 stiʼ libru Benefíciese de la Escuela del Ministerio Teocrático para gúnibe libana stibe, o laabe zanda cuibe tobi. Naquiiñeʼ guicá íquebe gusiénebe tema ca ne gúnibe modo gacaneni ca binni ridagulisaa ora maʼ gucheechecaʼ diidxaʼ. Ziuu ora naquiiñeʼ guyúbibe xiruʼ caníʼ de laani lu ca revista ne ca libru ricaanu. Ora guiree libana ca lu libru Historia stiʼ Biblia la? galán gúʼndabe ra na «xcaadxi guendarinabadiidxaʼ», purtiʼ neni textu ni zanda iquiiñebe lu libana stibe. Binnigola ni rutiidiʼ scuela ca zuuyabe gudii bizáʼnanu riʼ libana ca jneza ne ximodo gacanebe ni chitiidinebe ca guiene ni na Biblia ne guiene chaahuiʼ xipeʼ nga ni jma risaca lade guiráʼ ni maʼ guniʼbe ca. Binnigola ni rutiidiʼ scuela ca zucaa tu laa gacané laabe.
GUIONNA LIBANA: 5 minutu. Zanda gudii ti hombre o ti gunaa ni. Ni gudii libana riʼ zaquiiñebe tema ni maca ne guiʼchiʼ riʼ para gúnibe. Ziuu ora naquiiñeʼ guyúbibe xiruʼ caníʼ de laani lu ca revista ne ca libru ricaanu. Ora guiree libana ca lu libru Historia stiʼ Biblia la? galán gúʼndabe ra na «xcaadxi guendarinabadiidxaʼ», purtiʼ neni textu ni zanda iquiiñebe lu libana stibe. Ora gudii ti hombre ni la? zúnibe casi ora ridiʼdiʼ ti libana ndaaniʼ Yoo stiʼ Reinu. Peru ca gunaa ca zudiicabe ni casi modo cá para tiidiʼ guiropa libana. Cadi guiaandaʼ laatu, ca libana ni napa ti asteriscu la? puru hombre si nga gutiidiʼ cani, ne jma galán pa gudii ca binnigola o ca siervu ministerial libana riʼ.
CONSEJU: 1 ó 2 minutu. Binnigola ni rutiidiʼ scuela ca qué zaníʼdibe paraa cayuni ni chigutiidiʼ libana ca dxiiñaʼ ante gudii libana stiʼ. Tiidiʼ si cani rudii libana 1, 2 ne 3 la? binnigola ca zaníʼ xiñee galán gudiʼdiʼ libana ca. Ne cadi gábisibe ni bitiidiʼ libana ca biaʼsi biʼniʼ ni, sínuque guiniʼbe xiñee nga jnézapeʼ modo bitiidiʼ binni ca ni ne iquiiñebe ca conseju zeeda lu libru Benefíciese. Zudiicabe conseju ni caquiiñeʼ cada tobi de cani gutiidiʼ libana ca para gacanécabe laacaʼ, ne zúnicabe ni ora maʼ guiluxe guendaridagulisaa ca o sti ora.
TIEMPU: Guiráʼ ca libana ca, ne cani guiníʼ binnigola ni rutiidiʼ scuela ca naquiiñeʼ gaca cani biaʼ minutu cá gúnicabe ni. Pa cani rudii primé dede guionna libana ca tiidicaʼ de tiempu la? zucueezacabe laacaʼ sin gudii xcaadxi cuenta. Peru cani rudii ni bibí ra biuundaʼ Biblia la? zacaacabe conseju ora maʼ nuucabe laasicabe pa tiidicabe de tiempu. Guiráʼ cani rudii libana napa xidé gúʼyacaʼ cadi tiidicaʼ de tiempu sticaʼ. Guidubi guendaridagulisaa ca zácani treinta minutu.
GUIʼCHIʼ RA CÁ MODO GUINIʼLUʼ JNÉZAPEʼ: Biiyaʼ ni lu libru Benefíciese.
NI RACANÉ GUDII CONSEJU: Pa nuu sti binnigola ni nanna la? ca binnigola ca zanda cuícabe laabe para gacanebe ni rudii conseju ca. Pa nuuruʼ jma binnigola ni nanna lade ca binni ridagulisaa la? guiráʼ iza zanda guidxaa tu guni dxiiñaʼ riʼ. Dxiiñaʼ stibe nga, gudiibe conseju ca binnigola ne ca siervu ministerial ni rudiicaʼ ni bibí ra biuundaʼ Biblia ora maʼ nuucaʼ laasicaʼ. Peru cadi naquiiñeʼ gúnibe ni guiráʼ biaje.
GUIETENALÁʼDXINU NI MAʼ BIZÍʼDINU: 20 minutu. Cada chupa beeu binnigola ni rutiidiʼ scuela ca zietenaláʼdxinebe laanu ni maʼ bizíʼdinu. Zácani tiidiʼ si ni bibí biaʼ ra biuundaʼ Biblia, ne guiráʼ cani guinabadiidxabe zareecani lu cani biuundaʼ guiropaʼ beeu ni maʼ gudiʼdiʼ ca, ne ni guiuundaʼ semana ca. Pa semana chiguietenaláʼdxinu ni maʼ bizíʼdinu ca laaca nuu guendaridagulisaa de chupa gubidxa o zeeda binnigola ni riganna ca binni ridagulisaa la? ni guietenaláʼdxinu ca zácani sti semana zeeda ca. Lugar de guietenaláʼdxinu ni maʼ bizíʼdinu la? zadiʼdiʼ ca libana 1 dede 3 ne zacaacabe ni lu stiʼ semana ca. Biaʼ ra guiuundaʼ Biblia semana ca qué zadxaa diʼ ne laaca racá nga iquiiñecabe para guiníʼcabe cani jma risaca.
Modo Gácani
5 stiʼ en. Ra guiuundaʼ Biblia: Génesis 1-5
Primé: Mateo 5:17-32
Guiropa: Xiñee naquiiñeʼ gácanu «nachaʼhuiʼ» ne «nadóʼ» (my hist. 82)
Guionna: Cadi gusaanaluʼ de gaca xhamíguluʼ Dios neca chuʼ tu gucueeza lii (gf yaza 3 § 1-3)
12 stiʼ en. Ra guiuundaʼ Biblia: Génesis 6-10
Primé: Mateo 9:9-26
Guiropa: Xiñee naquiiñeʼ guidúʼndanu Biblia (rq yaza 3 § 3)
Guionna: Ra biluxe ca lindaa stiʼ Jerusalén que, ximodo rusihuínnini ni zanda guni fe stinu (my hist. 83)
19 stiʼ en. Ra guiuundaʼ Biblia: Génesis 11-16
Primé: Mateo 13:1-15
Guiropa: Xi zabeendunu pa cadi gusaananu de gaca xhamígunu Dios (gf yaza 4 § 1-3)
Guionna: * Tu ejemplu stiʼ zanda chinándanu ora guicaanu xiixa guenda ndaaniʼ xquidxi Dios (my hist. 84)
26 stiʼ en. Ra guiuundaʼ Biblia: Génesis 17-20
Primé: Mateo 22:15-33
Guiropa: Ñee jneza nga iquiiñenu bidóʼ para guni adorarnu Dios la? (rq yaza 5 § 5)
Guionna: Ximodo zanda gueeda chuʼnu lade ca hombre ni ruzuubaʼ diidxaʼ (my hist. 85)
2 stiʼ feb. Ra guiuundaʼ Biblia: Génesis 21-24
Primé: Mateo 26:6-19
Guiropa: Panda iza napa Jesús ne paraa nabézabe ora yeganna ca hombre ni ruundaʼ de ca beleguí que laabe (my hist. 86)
Guionna: Ximodo zanda gunibiaʼnu Dios ti guidxíñanu laabe (gf yaza 5 § 1-3)
9 stiʼ feb. Ra guiuundaʼ Biblia: Génesis 25-28
Primé: Marcos 4:26-41
Guiropa: Xi ejemplu sicarú gulaʼquiʼ José ne María pur ca cosa stiʼ Dios (my hist. 87)
Guionna: Xiñee biʼniʼ Jesús milagru (rq yaza 7 § 5)
16 stiʼ feb. Ra guiuundaʼ Biblia: Génesis 29-31
Primé: Marcos 10:1-16
Guiropa: Ximodo zanda gacané Biblia laanu gunibiáʼ chaahuinu Dios (gf yaza 6 § 1-yaza 7 § 1)
Guionna: Xi rizíʼdinu de modo biquiiñeʼ Jesús Stiidxaʼ Dios (my hist. 88)
23 stiʼ feb. Ra guiuundaʼ Biblia: Génesis 32-35
Guietenaláʼdxinu ni maʼ bizíʼdinu
2 stiʼ mzo. Ra guiuundaʼ Biblia: Génesis 36-39
Primé: Lucas 3:1-17
Guiropa: Ximodo beeda chuʼ Binidxabaʼ (rq yaza 8 § 1, 2)
Guionna: * Xiñee cadi jneza nga gutoʼno o sinu ndaaniʼ yoo stiʼ Reinu (my hist. 89)
9 stiʼ mzo. Ra guiuundaʼ Biblia: Génesis 40-42
Primé: Lucas 6:1-23
Guiropa: Ximodo zanda gúninu cásica biʼniʼ Jesús ora guniʼné ti samaritana (my hist. 90)
Guionna: Cani bizáʼ Jiobá racané cani laanu gánnanu ximodo nga laabe (gf yaza 7 § 2, 3)
16 stiʼ mzo. Ra guiuundaʼ Biblia: Génesis 43-46
Primé: Lucas 10:1-16
Guiropa: Ximodo zanda gusihuínninu caquiiñeʼ guizíʼdinu de Stiidxaʼ Dios (my hist. 91)
Guionna: Xi zazaaca guiráʼ ca binni qué iquiiñeʼ ca (rq yaza 10 § 4)
23 stiʼ mzo. Ra guiuundaʼ Biblia: Génesis 47-50
Primé: Lucas 15:11-24
Guiropa: Zacaanu stale ndaayaʼ ndaaniʼ paraísu ca pa gúninu ni na Dios (gf yaza 8 § 1-yaza 9 § 1)
Guionna: Ximodo ratadxí ladxidoʼno ora gánnanu ni runi sentir Jesús pur ca gueʼtuʼ ca (my hist. 92)
30 stiʼ mzo. Ra guiuundaʼ Biblia: Éxodo 1-6
Primé: Lucas 21:1-19
Guiropa: Ximodo bisihuinni Jesús rusisaca ca cosa ni rudii Bixhoze (my hist. 93)
Guionna: Xi culuíʼ laanu maʼ nabáninu lu ca últimu dxi (rq yaza 12 § 4)
6 stiʼ abr. Ra guiuundaʼ Biblia: Éxodo 7-10
Primé: Juan 2:1-17
Guiropa: Zusianda Jiobá guendahuará stinu pa gúninu ni na ne zabeebe guendaguti (gf yaza 9 § 2, 3)
Guionna: * Xi bisiidiʼ Jesús ca discípulo stiʼ ti cadi gacaláʼdxicaʼ guisácacaʼ (my hist. 94)
13 stiʼ abr. Ra guiuundaʼ Biblia: Éxodo 11-14
Primé: Juan 5:1-17
Guiropa: Ximodo zanda gusíʼdinu modo bisiidiʼ Jesús (my hist. 95)
Guionna: Tuu nga naquiiñeʼ guinínenu lu oración stinu ne ximodo (rq yaza 14 § 2-yaza 15 § 3)
20 stiʼ abr. Ra guiuundaʼ Biblia: Éxodo 15-18
Primé: Juan 9:1-17
Guiropa: Ndaaniʼ Paraísu ni maʼ guníʼ Dios chiguni maʼ qué ziuu diʼ binni malu (gf yaza 9 § 4, 5)
Guionna: * Ximodo nánnanu gulee Jesús tiempu para gacané binni (my hist. 96)
27 stiʼ abr. Ra guiuundaʼ Biblia: Éxodo 19-22
Guietenaláʼdxinu ni maʼ bizíʼdinu
4 stiʼ mayo Ra guiuundaʼ Biblia: Éxodo 23-26
Primé: Juan 13:1-17
Guiropa: Xi zanda guiziidiʼ ca hombrehuiiniʼ de yanna de ni biʼniʼ ca hombrehuiiniʼ israelita ora guyuu Jesús ndaaniʼ yuʼduʼ que (my hist. 97)
Guionna: Xi canabaʼ Dios guni bixhoze binni ne jñaa ne ca xiiñiʼ (rq yaza 17 § 5)
11 stiʼ mayo Ra guiuundaʼ Biblia: Éxodo 27-29
Primé: Juan 20:1-18
Guiropa: Ximodo rusihuinni Mateo 24:13 pabiáʼ naquiiñeʼ guni huantarnu (my hist. 98)
Guionna: Guendahuará, guendarindaana, xu ne ora tinde ca guidxi ca rusihuínnicani maʼ nabáninu lu últimu dxi (gf yaza 10 § 1-yaza 11 § 1)
18 stiʼ mayo Ra guiuundaʼ Biblia: Éxodo 30-33
Primé: Hechos 4:13-30
Guiropa: Xi riníʼ gácanu nayá ora guni adorarnu Dios (rq yaza 18 § 2)
Guionna: Ximodo nánnanu guirutiʼ nucaa Judas nudxiideche Jesús, sínuque laapebe bíʼnibe ni (my hist. 99)
25 stiʼ mayo Ra guiuundaʼ Biblia: Éxodo 34-37
Primé: Hechos 7:1-16
Guiropa: Casi na 2 Timoteo 3:1-5, ximodo zuchaa binni modo naca lu ca últimu dxi riʼ (gf yaza 11 § 2-4)
Guionna: * Ximodo biiyaʼ Jesús iquiiñenu guiibaʼ para gucáʼlunu binni (my hist. 100)
1 stiʼ jun. Ra guiuundaʼ Biblia: Éxodo 38-40
Primé: Hechos 11:1-18
Guiropa: Neca bidxibi Pedru, xi rizíʼdinu de ni bíʼnibe despué (my hist. 101)
Guionna: Pora nga na Dios cadi jneza gatané tuuxa sti binni (rq yaza 20 § 2)
8 stiʼ jun. Ra guiuundaʼ Biblia: Levítico 1-5
Primé: Hechos 15:4-21
Guiropa: Ximodo zanda gápanu fe casi gupa Noé (gf yaza 12 § 1-yaza 13 § 1)
Guionna: * Ximodo bisihuinni Jiobá zanda guni crenu ti gunaa ora guiníʼ xiixa ni biiyaʼ laapeʼ (my hist. 102)
15 stiʼ jun. Ra guiuundaʼ Biblia: Levítico 6-9
Primé: Hechos 19:8-22
Guiropa: Ñee naquiiñeʼ guni cré ca xpinni Cristu naca Dios ti Trinidad la? (rq yaza 22 § 2)
Guionna: Ximodo zanda uguʼnu ladxidoʼno listu para guicaanu guiráʼ cani dxandíʼ zeeda lu Biblia (my hist. 103)
22 stiʼ jun. Ra guiuundaʼ Biblia: Levítico 10-13
Primé: Hechos 24:10-23
Guiropa: Casi modo rieeteʼ lu Hechos 1:8, dede pa guidubi zareeche stiidxaʼ Dios (my hist. 104)
Guionna: Ximodo nánnanu qué zudiiruʼ Dios lugar chuʼ binni qué iquiiñeʼ (gf yaza 13 § 2, 3)
29 stiʼ jun. Ra guiuundaʼ Biblia: Levítico 14-16
Guietenaláʼdxinu ni maʼ bizíʼdinu
6 stiʼ jul. Ra guiuundaʼ Biblia: Levítico 17-20
Primé: Hechos 28:1-16
Guiropa: Ñee zanda guniná ca gueʼtuʼ ca binni nabani la? (rq yaza 23 § 5)
Guionna: Xi ejemplu sicarú bisaana Pedru para gusiene chaahuiʼ binni ni na Biblia (my hist. 105)
13 stiʼ jul. Ra guiuundaʼ Biblia: Levítico 21-24
Primé: Romanos 2:1-16
Guiropa: Ora guidxaagalunu guendanagana ra gucheechenu diidxaʼ, ximodo zanda gúninu casi biʼniʼ ca xpinni Cristu ni bibani lu primé siglu que (my hist. 106)
Guionna: Ximodo beeda chuʼ ca demonio ca (gf yaza 14 § 1-3)
20 stiʼ jul. Ra guiuundaʼ Biblia: Levítico 25-27
Primé: Romanos 5:6-19
Guiropa: Xi guendarusiguii huaquiiñeʼ ca xaíque stiʼ ca yuʼduʼ purtiʼ racaláʼdxicaʼ gucueezacaʼ dxiiñaʼ stiʼ ca testigu stiʼ Jiobá (my hist. 107)
Guionna: Xiñee qué riguʼbaʼ ca xpinni Cristu gueza (rq yaza 25 § 4)
27 stiʼ jul. Ra guiuundaʼ Biblia: Números 1-3
Primé: Romanos 8:26-39
Guiropa: Ca ángel chaʼhuiʼ ca racanecaʼ cani dxandíʼ xpinni Dios (gf yaza 15 § 1-3)
Guionna: Ora guzanándacabe ca xpinni Cristu de dxiqué, ximodo gucaneni para guireeche diidxaʼ (my hist. 108)
3 stiʼ ag. Ra guiuundaʼ Biblia: Números 4-6
Primé: Romanos 15:1-16
Guiropa: Xiñee qué ricá ca xpinni Cristu rini (rq yaza 25 § 5, 6)
Guionna: * Ximodo zanda gúninu cásica biʼniʼ Pedru ora bicheechebe diidxaʼ ra nuu ca binni ni cadi judíu que (my hist. 109)
10 stiʼ ag. Ra guiuundaʼ Biblia: Números 7-9
Primé: 1 Corintios 3:1-15
Guiropa: Ximodo na Hechos 18:9, 10 cayacané Jesús guireeche diidxaʼ, ne xiñee riguixhedxí nga ladxidoʼno (my hist. 110)
Guionna: Cani dxandíʼ xpinni Cristu gadxepeʼ laacaʼ de cani qué runi ni na Dios (gf yaza 16 § 1-3)
17 stiʼ ag. Ra guiuundaʼ Biblia: Números 10-13
Primé: 1 Corintios 12:12-26
Guiropa: Ximodo ndiʼ qué zápanu «donda pa guinitilú» binni casi na Pablu lu Hechos 20:26, 27 (my hist. 111)
Guionna: * Xiñee qué rudxiibaʼ cani dxandíʼ xpinni Cristu laacaʼ jma que binni de sti raza o de sti guidxi (rq yaza 26 § 3)
24 stiʼ ag. Ra guiuundaʼ Biblia: Números 14-16
Primé: 2 Corintios 6:1-18
Guiropa: Casi na Juan 13:35, ximodo zanda gánnanu tupeʼ nga ca xpinni Cristu (gf yaza 17 § 1)
Guionna: Xiñee naquiiñeʼ guidxaagalunu binni galán (Hechos 28:1, 2) (my hist. 112)
31 stiʼ ag. Ra guiuundaʼ Biblia: Números 17-21
Guietenaláʼdxinu ni maʼ bizíʼdinu
7 stiʼ sept. Ra guiuundaʼ Biblia: Números 22-25
Primé: 2 Corintios 8:1-15
Guiropa: Xiñee rucheeche ca testigu stiʼ Jiobá diidxaʼ (rq yaza 27 § 6)
Guionna: * Xi guníʼ Pablu de xcaadxi xpinni Cristu, ne xi rizíʼdinu de laani (my hist. 113)
14 stiʼ sept. Ra guiuundaʼ Biblia: Números 26-29
Primé: Gálatas 5:1-15
Guiropa: Xiñee naquiiñeʼ guininu lá Dios (Rom. 10:13, 14) (gf yaza 17 § 2)
Guionna: Ximodo rusihuinni Stiidxaʼ Dios Jesucristu nga hombre ni dxiʼbaʼ caballu quichiʼ que (my hist. 114)
21 stiʼ sept. Ra guiuundaʼ Biblia: Números 30-32
Primé: Efesios 2:1-18
Guiropa: Cani chiguni mandar lu Guidxilayú riʼ pur ti Mil Iza ziénecabe binni ne zalaseláʼdxicabe laacaʼ (my hist. 115)
Guionna: * Ñee napa ca testigu stiʼ Jiobá ti lá para gudxiibaʼ laacaʼ la? (rq yaza 29 § 4)
28 stiʼ sept. Ra guiuundaʼ Biblia: Números 33-36
Primé: Filipenses 2:1-18
Guiropa: Xi zúninu pa nadxiinu Jiobá (my hist. 116)
Guionna: Xi dxiiñaʼ nga naquiiñeʼ guni ca xpinni Dios (Mat. 24:14) (gf yaza 17 § 3)
5 stiʼ oct. Ra guiuundaʼ Biblia: Deuteronomio 1-3
Primé: Colosenses 3:1-17
Guiropa: Ora guʼyaʼ binni xpiaʼnu, xi zucaani laa guni (rq yaza 30 § 2)
Guionna: Xi guenda stiʼ Jiobá rihuinni lu cani bizaʼbe (my hist. 1)
12 stiʼ oct. Ra guiuundaʼ Biblia: Deuteronomio 4-6
Primé: 1 Tesalonicenses 4:1-18
Guiropa: Ximodo gucalaʼdxiʼ Dios ñaca Guidxilayú riʼ (my hist. 2)
Guionna: Religión ni cadi dxandíʼ qué ruchiña diʼ laanu gaxha de Dios (gf yaza 18 § 1, 2)
19 stiʼ oct. Ra guiuundaʼ Biblia: Deuteronomio 7-10
Primé: 2 Tesalonicenses 3:1-15
Guiropa: Xi zacané laanu gucáʼlunu Binidxabaʼ (rq yaza 31 § 3)
Guionna: * Ximodo racané Génesis 2:24 laanu guiénenu xi riníʼ ique Jiobá de guendaxheelaʼ ne divorcio (my hist. 3)
26 stiʼ oct. Ra guiuundaʼ Biblia: Deuteronomio 11-13
Guietenaláʼdxinu ni maʼ bizíʼdinu
2 stiʼ nov. Ra guiuundaʼ Biblia: Deuteronomio 14-18
Primé: 1 Timoteo 3:1-16
Guiropa: Ximodo racané Mateo 7:17, 18 laanu gánnanu gunáʼ nga religión ni dxandíʼ (gf yaza 19 § 1)
Guionna: Xiñee biree Adán ne Eva ndaaniʼ Paraísu que (my hist. 4)
9 stiʼ nov. Ra guiuundaʼ Biblia: Deuteronomio 19-22
Primé: Filemón 1-25
Guiropa: Xi biʼniʼ Jiobá pur Adán ne Eva neca maʼ bicheecaʼ (my hist. 5)
Guionna: Ñee zanda gacané o guniná ca gueʼtuʼ ca laanu la? (gf yaza 20 § 2)
16 stiʼ nov. Ra guiuundaʼ Biblia: Deuteronomio 23-27
Primé: Hebreos 2:1-18
Guiropa: Ximodo ruuyaʼ Jiobá guixii rini stiʼ tuuxa ni qué gapa donda (my hist. 6)
Guionna: Casi na Éxodo 20:4, 5, xiñee qué riuulaʼdxiʼ Dios guni adorarnu ca bidóʼ ca (gf yaza 19 § 2)
23 stiʼ nov. Ra guiuundaʼ Biblia: Deuteronomio 28-31
Primé: Hebreos 9:11-28
Guiropa: Ximodo zanda gaca ca xpinni Cristu nadxibalú casi guca Enoc ora guiniʼnécabe binni de Armagedón (my hist. 7)
Guionna: Biblia rusiidiʼ zabani ca gueʼtuʼ ca (gf yaza 20 § 3)
30 stiʼ nov. Ra guiuundaʼ Biblia: Deuteronomio 32-34
Primé: Santiago 3:1-18
Guiropa: Xi zuni sentir Jiobá pa qué gaca xpiaʼnu galán (my hist. 8)
Guionna: * Ñee jneza na Biblia chuʼnu ra cadinde ca guidxi ca la? (Isaías 2:4) (gf yaza 19 § 3)
7 stiʼ dic. Ra guiuundaʼ Biblia: Josué 1-5
Primé: 1 Pedro 1:1-16
Guiropa: Cadi dxandíʼ diʼ ribani ca gueʼtuʼ ca sti lugar (Génesis 3:4, 5) (gf yaza 20 § 4)
Guionna: * Ximodo ruuyaʼ Jiobá guendaridinde ne ximodo zanda gacané ndiʼ laanu ora chigúninu o chiguidúʼyanu xiixa (my hist. 9)
14 stiʼ dic. Ra guiuundaʼ Biblia: Josué 6-8
Primé: 1 Juan 3:1-18
Guiropa: Ximodo racané relatu stiʼ Noé laanu para guni crenu zanda gulá Jiobá xquidxi (my hist. 10)
Guionna: Ñee rusiidiʼ Biblia zie ca binni malu ca ti lugar ra cayaʼquiʼ la? (gf yaza 19 § 4)
21 stiʼ dic. Ra guiuundaʼ Biblia: Josué 9-11
Primé: Revelación 2:1-17
Guiropa: Xi zanda gúninu ti ganda guidxiña casi ti xhoʼ naxhi ra nuu Jiobá (my hist. 11)
Guionna: Xiñee cadi naquiiñeʼ gúninu brujería nin magia (gf yaza 21 § 1-3)
28 stiʼ dic. Ra guiuundaʼ Biblia: Josué 12-15
Guietenaláʼdxinu ni maʼ bizíʼdinu
* Hombre nga naquiiñeʼ gutiidiʼ libana riʼ, ne pa ganda la? gutiidiʼ ti binnigola o ti siervu ministerial ni.