Cani chitiidiʼ lu guendaridagulisaa stiʼ dxiiñaʼ stinu

Semana 11 stiʼ agosto

Diidxaʼ riuundaʼ 63

10 min. Cani chiguieeteʼ stiʼ ca binni ridagulisaa. Gunabaʼ cani cucaadiaga guiniʼcaʼ xi tema stiʼ ca revista ni jma nacubi ca ziuulaʼdxiʼ binni ni nuu neza ra rucheechenu diidxaʼ. Gudxi laacabe guiníʼcabe xi tema stiʼ ca revista ca racaláʼdxicabe guluíʼcabe binni. Xi zanda guinabadiidxanu binni para guzulú guinínenu laa. Ne xi textu zeeda lu tema stiʼ revista ca zanda guidúʼndanenu binni. Bitiidiʼ ximodo zanda gusaananu cada tobi de ca revista ca casi modo zeeda lu Xhiiñaʼ Reinu ni Rúninu.

15 min. Cadi gudiʼnu lugar chuʼ xiixa ni gucueeza laanu de gúninu ni na Dios. Libana ni zeeda lu libru “Ven, sé mi seguidor”, yaza 91 ne 93, párrafo 12 ne 13.

20 min. «Ñee caquiiñeluʼ ca revista ca jneza la?»a Tobi ni rucheeche diidxaʼ guiníʼ ximodo biquiiñeʼ tobi de ca tema ni reeda lu revista Torre stiʼ ni rapa ni riree cada chonna beeu, ni riquiiñenu para gucheechenu diidxaʼ. Zanda tiidibe para gúnibe modo gúcani. Laaca zanda iquiiñeluʼ ni zeeda lu párrafo 2 para guluiʼluʼ ximodo zanda guzulú guidúʼndanenu binni de Biblia ra iquiiñenu ndaa ra na «Cani bisiidiʼ Jesús» ni zeeda lu Torre stiʼ ni rapa julio-septiembre.

Diidxaʼ riuundaʼ 26

Semana 18 stiʼ agosto

Diidxaʼ riuundaʼ 135

10 min. Cani chiguieeteʼ stiʼ ca binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Biindaʼ ra na «Ni chitiidiʼ lu guendaridagulisaa de chupa gubidxa» ne guníʼ padxí chigácani pa maʼ nánnatu ni. Bisietenalaʼdxiʼ cani cucaadiaga guedanecaʼ Torre stiʼ ni rapa julio-septiembre ne ¡Despertad! stiʼ septiembre lu sti Guendaridagulisaa stiʼ Dxiiñaʼ Stinu, ne gúʼndacabe ni dede ante ti ganda guiníʼcabe ximodo zanda gusaananenu ni binni neza ra rucheechenu diidxaʼ.

20 min. Rusisácanu Jiobá pur modo rácunu lari ne pur modo ruzuchaahuinu. Libana ni gudii ti binnigola. Cumu naca Jiobá ti Dios nayá la? nabé risaca nga chuʼ xquídxibe nayá (Éxo. 30:17-21; 40:30-32). Ora guzuchaahuinu galán ne gácunu lari jneza, ne jmaruʼ si ora chigucheechenu diidxaʼ la? rusiéchenu ladxidóʼ Jiobá ne rusisácanu laabe (1 Ped. 2:12). Pa qué gúninu zacá la? zándaca zaníʼ binni mal de Stiidxaʼ Dios (Tito 2:5). Bizeeteʼ xiixa ni bizaacatu o ni zeeda lu ca libru ne revista stinu ra bihuinni gunda bicheeche tuuxa diidxaʼ purtiʼ jneza modo racu lari.

15 min. Rucheeche cani nahuiiniʼ ca diidxaʼ ne stale gana. Libana para ca hombrehuiiniʼ ne dxaapahuiiniʼ ni mayaca chuʼcaʼ scuela sti biaje, ne para bixhózecaʼ. Gudxi laacabe gucheechecabe diidxaʼ guiráʼ biaje ganda gúnicabe ni. Gunabaʼ laacabe guiníʼcabe ximodo bicheechecabe diidxaʼ ra scuela, biaʼ ra gudii tiempu.

Diidxaʼ riuundaʼ 61

Semana 25 stiʼ agosto

Diidxaʼ riuundaʼ 24

15 min. Cani chiguieeteʼ stiʼ ca binni ridagulisaa. Biindaʼ guiʼchiʼ ra cá pagala nápatu ne ca guiʼchiʼ ra cá pagala biseendatu Betel. Biindaʼ ra na «Ni chitiidiʼ dxi bibí para guidagulisaanu» ne guníʼ padxí chigácani pa maʼ nánnatu ni.

15 min. Ni caquiiñeʼ ca binni ridagulisaa.

15 min. Chuʼnu listu para gusaananu ca revista ni jma nacubi Torre stiʼ ni rapa julio-septiembre ne ¡Despertad! stiʼ septiembre. Libana ra zanda guicabi cani cucaadiaga. Ora maʼ bisiéneluʼ chupa chonna de cani zeeda lu  la? gunabadiidxaʼ cani cucaadiaga xi tema jma ziuulaʼdxiʼ ca binni ni nuu neza ra rucheechenu diidxaʼ ne pa nápacaʼ xiixa ni guinabadiidxacaʼ binni ne xi textu zanda iquiiñecaʼ para guiniʼcaʼ de ti tema stícani. Bitiidiʼ ximodo zanda iquiiñeʼ ni na Xhiiñaʼ Reinu ni Rúninu. Bitiidiʼ tobi de ca binnigola ca para guluíʼ ximodo zanda iquiiñeʼ tobi de ca tema stiʼ ca revista neza ra rucheechenu diidxaʼ.

Diidxaʼ riuundaʼ 196

Semana 1 stiʼ septiembre

Diidxaʼ riuundaʼ 112

10 min. Cani chiguieeteʼ stiʼ ca binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu agosto.

20 min. «Qué rusiáʼndanu laacabe, neca nuucabe zitu de laanu.» Libana ni zeeda lu Torre stiʼ ni rapa 15 stiʼ abril 2008, yaza 25 dede 28. Bizeeteʼ lá ca Testigu ni maʼ huaniisiʼ ni ridagulisaanetu ni nuu ndaaniʼ ca yoo ra rápacabe ca binnigola. Pa gastiʼ nin tobi, ñee nuu tu huará ne maʼ qué randa runi xiixa la? Biquiiñeʼ cani cusiidiʼ tema ca para uguuluʼ gana cani rucheeche diidxaʼ ti gacanecaʼ ca binni huaniisi para gúnicaʼ biaʼ ganda lu ca dxiiñaʼ stiʼ ca binni ridagulisaa.

15 min. Bizulú biindané tuuxa de Biblia primé biaje guiníʼneluʼ laa ora gucheecheluʼ diidxaʼ lu beeu septiembre. Libana ra zanda guicabi cani cucaadiaga. Lu beeu septiembre zusaananenu binni libru Xipeʼ ndiʼ cusiidiʼ Biblia ne zúninu stipa para guidúʼndanenu laacabe chupa o chonna párrafo primé biaje guinínenu laacabe. Biquiiñeʼ cani zeeda lu Xhiiñaʼ Reinu ni Rúninu stiʼ enero 2006 ne bitiidiʼ tobi o chupa modo zanda guzulú guidúʼndanenu binni de Biblia.

Diidxaʼ riuundaʼ 74

[Ni cá ñee yaza]

Pa cadi cá gadxé la? ca textu riʼ bireecani lu Stiidxa Dios Didxazá o lu Traducción del Nuevo Mundo de las Santas Escrituras (con referencias).