Cani chitiidiʼ lu guendaridagulisaa stiʼ dxiiñaʼ stinu

Semana 12 stiʼ mayo

Diidxaʼ riuundaʼ 134

10 min. Cani chiguieeteʼ stiʼ ca binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ ximodo zanda gusaananu revista Torre stiʼ ni rapa stiʼ abril-junio ne ¡Despertad! stiʼ mayo casi modo zeeda lu yaza 12, o xcaadxi modo rúnitu ora rucheechetu diidxaʼ.

15 min. «Zanda guidxaagalunu intiica guendanagana.» Libana ni zeeda lu La Atalaya 15 stiʼ junio 2005, yaza 30 ne 31. Dede ante guniʼné chupa chonna de cani rucheeche diidxaʼ guiniʼcaʼ ximodo gucané Jiobá laacaʼ para guidxagalucaʼ xiixa guendanagana.

20 min. Ñee zanda gácaluʼ precursor auxiliar ca beeu zeeda riʼ la? Libana ni ne zanda guicabi cani cucaadiaga. Laguundaʼ ni zeeda lu yaza 4 stiʼ ni rizaané Xhiiñaʼ Reinu ni Rúninu marzo 2007, racá zeeda xi guiráʼ naquiiñeʼ guni ti ni rucheeche diidxaʼ para ganda gaca precursor auxiliar. Gunabaʼ ca bíʼchinu ne bizáʼnanu ni gunabaʼ vacación para gácacaʼ precursor guiniʼcaʼ xi ndaayaʼ gucuaacaʼ. Gunabadiidxaʼ cani rié scuela ne gúcacaʼ precursor dxi gúpacaʼ vacación ximodo guluu xcaadxi xpinni Cristu gana laacaʼ. Ximodo biniisi ca jma lu Stiidxaʼ Dios pur gúcacaʼ precursor auxiliar. Xi bisiecheʼ laacabe dxi gúcacabe ni. Guluu gana cani cayuni ni na Jiobá ne nabani jneza gúʼyacaʼ pa zanda gácacaʼ precursor ca beeu zeeda riʼ.

Diidxaʼ riuundaʼ 187

Semana 19 stiʼ mayo

Diidxaʼ riuundaʼ 47

5 min. Cani chiguieeteʼ stiʼ ca binni ridagulisaa.

25 min. «Zazíʼdinu stale cosa de Jiobá ni zusiecheʼ laanu.»a Gutiidiʼ secretariu stiʼ ca binni ridagulisaani. Bizeeteʼ paraa cheʼ cani cucaadiaga guendaridagulisaa de chonna gubidxa ca. Biindaʼ cuadru ni na «Cani naquiiñeʼ guietenaláʼdxinu ante gápanu guendaridagulisaa de chonna gubidxa».

15 min. «¡Raríʼ nuu stale cosa ni risaca!»b Bizeeteʼ xi naquiiñeʼ guni tuuxa para gaca precursor regular, ni zeeda yaza 4 stiʼ ni rizaané Xhiiñaʼ Reinu ni Rúninu marzo 2007. Cani racalaʼdxiʼ guzulú de precursor 1 stiʼ septiembre la? naquiiñeʼ gudiicaʼ guiʼchiʼ sticaʼ nagueendaca.

Diidxaʼ riuundaʼ 206

Semana 26 stiʼ mayo

Diidxaʼ riuundaʼ 103

10 min. Cani chiguieeteʼ stiʼ ca binni ridagulisaa. Biindaʼ ca guiʼchiʼ ra cá pagala nápatu ne ca guiʼchiʼ ni ruseendaʼ Betel ra cá pagala biseendatu. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu mayo. Bitiidiʼ ximodo zanda gusaananu revista Torre stiʼ ni rapa stiʼ abril-junio ne ¡Despertad! stiʼ junio casi modo zeeda lu yaza 12, o xcaadxi modo rúnitu ora rucheechetu diidxaʼ.

10 min. «Laudxiiba ayubu stinne xa yanni tu.» Pa gudii tiempu la? gunabaʼ cani cucaadiaga gúʼndacaʼ ni na ca textu ni zeeda lu tema riʼ.

15 min. «Iquiiñenu ca cosa risaca nápanu para gacanenu cuí yoo para gaca adorar Jiobá.» Ora gúʼndatu párrafo 2 ne 3 guníʼ ni zeeda lu cuadru ca.

10 min. Gusaananenu binni libru Xipeʼ ndiʼ cusiidiʼ Biblia lu beeu junio. Libana ne zadiʼdiʼ ximodo gusaananetu binni libru riʼ. Laguundaʼ ni zeeda lu ni rizaané Xhiiñaʼ Reinu ni Rúninu enero 2006. Bitiidiʼ ximodo zanda gusaananu libru ca, ne biitiidiʼ ximodo zanda guibiguétanu chigánnanu binni ca para guzulú gúʼndanenu laa libru ca.

Diidxaʼ riuundaʼ 169

Semana 2 stiʼ junio

Diidxaʼ riuundaʼ 221

10 min. Cani chiguieeteʼ stiʼ ca binni ridagulisaa. Biindaʼ Ndaa ra rinabadiidxaʼ.

20 min. «Hombre ni runi ni jneza la? [zacaa] stale ndaayaʼ.» (Pro. 28:20.) Libana ni gutiidiʼ secretariu ne zanda guicabi cani cucaadiaga. Bisiene ximodo guluu ndaayaʼ Jiobá stipa biʼniʼ ca binni ridagulisaa pur gúnicaʼ jma dxiiñaʼ lu marzo, abril ne mayo, ne guluu gana ca bíʼchiluʼ ne bizáʼnaluʼ pur ni bíʼnicaʼ. Bizeeteʼ panda tu guca precursor auxiliar ne panda binni bizulú biindanécabe Biblia, ne guníʼ xiruʼ bíʼnicabe ora bicheechecabe diidxaʼ. Gunabaʼ cani cucaadiaga guiniʼcaʼ xiixa ni bizaacacaʼ ca dxi mayaca guietenaláʼdxinu guendaguti stiʼ Jesús ne ora gudiizicaʼ invitación. Zanda gutiidiluʼ xiixa ni bizaaca ca xpinni Cristu ora bicheechecaʼ diidxaʼ. Gunabadiidxaʼ chupa o chonna xpinni Cristu para guiniʼcaʼ xi huabeenducaʼ pur gúcacaʼ precursor auxiliar.

15 min. «Chuʼnu listu para gúninu intiica ni jneza.» Gunabaʼ cani cucaadiaga guiniʼcaʼ ximodo ne pora ruundacaʼ ni chiguiníʼnecaʼ binni ante gucheechecaʼ diidxaʼ de yoo pur yoo.

Diidxaʼ riuundaʼ 44

[Ni cá ñee yaza]