Cani chitiidiʼ lu guendaridagulisaa stiʼ dxiiñaʼ stinu

Semana 10 stiʼ septiembre

Diidxaʼ riuundaʼ 225

10 min. Cani chiguieeteʼ stiʼ ca binni ridagulisaa. Bitiidiʼ chupa modo zanda gusaanatu revista, tobi ne Torre stiʼ ni rapa stiʼ septiembre ni cá primé lu yaza 4 stiʼ Xhiiñaʼ Reinu ni Rúninu riʼ ne stobi ne ¡Despertad! stiʼ septiembre. Zanda iquiiñetu cani o guyúbitu xcaadxi modo para gusaanatu ca revista ca neza ra rucheechetu diidxaʼ. Lu guirópani zudiicabe guiropaʼ revista ca, peru de tobi si nga jma guiníʼcabe.

15 min. Ndaa ra rinabadiidxaʼ. Gutiidiʼ ti binnigola ni ne zanda guicabi cani cucaadiaga. Pa gudii tiempu la? laguundaʼ guiráʼ ca textu ca ne laguiníʼ xiná cani.

20 min. «Naquiiñeʼ chinándanu ejemplu stiʼ Jesús.»a Gunabaʼ cani cucaadiaga guiniʼcaʼ ximodo huayacané ejemplu stiʼ xcaadxi laacaʼ.

Diidxaʼ riuundaʼ 130 ne guiluxeneni oración.

Semana 17 stiʼ septiembre

Diidxaʼ riuundaʼ 60

15 min. Cani chiguieeteʼ stiʼ ca binni ridagulisaa. Bizeeteʼ ni zeeda lu ra na «Panda binni biziidiʼ guiʼchiʼ lu iza 2006». Bizeeteʼ ni cayuni neza binni ridagulisaa stitu.

15 min. Ximodo bíninu dxiiñaʼ iza gudiʼdiʼ ca. Binnigola ni ruuyaʼ modo rireeche diidxaʼ zusietenaláʼdxibe ca binni ridagulisaa dxiiñaʼ bíʼnicabe iza gudiʼdiʼ ca, ne ni jma guzeetebe nga cani guleendúcabe ra bicheechecabe diidxaʼ. Uguusiluʼ gana cani cucaadiaga, bizeeteʼ tobi o chupa ra naquiiñeʼ gúnitu dxiiñaʼ lu iza dxiiñaʼ cuzulutu riʼ. Bizeeteʼ dxiiñaʼ biʼniʼ ca precursor ne guluu gana laacabe pur dxiiñaʼ sicarú bíʼnicabe. Bizeeteʼ guiráʼ ni huabeendúcabe ra cayacanécabe cani maʼ qué rucheeche diidxaʼ.

15 min. «Guiráʼ ca xpinni Cristu nuucaʼ tobi si.» Libana ni ne zanda guicabi cani cucaadiaga. Zeedani lu capítulo 16 stiʼ libru Organizados para hacer la voluntad de Jehová.

Diidxaʼ riuundaʼ 74 ne guiluxeneni oración.

Semana 24 stiʼ septiembre

Diidxaʼ riuundaʼ 162

10 min. Cani chiguieeteʼ stiʼ ca binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni maʼ bidiitu.

15 min. Ni caquiiñeʼ ca binni ridagulisaa.

20 min. Modo zanda guzulú gúʼndanenu binni Biblia lu beeu octubre ne tratadu Ñuláʼdxiluʼ niziidiluʼ jma de lu Biblia la? Lu beeu octubre zusaananenu binni revista Torre stiʼ ni rapa ne ¡Despertad! Pa gusihuinni binni ca riuulaʼdxiʼ guiziidiʼ jma la? zanda gusaananenu laabe tratadu Ñuláʼdxiluʼ niziidiluʼ jma de lu Biblia la? para guzulú gúʼndanenu laacabe. Pa nápatu tratadu riʼ ra ridagulisaatu, zanda guinábaluʼ cani ridxagalú laanu gudiicaʼ ti tratadu guiráʼ cani nuu ra guendaridagulisaa ca ne bizeeteʼ chupa chonna de cani zeeda luni. Gudxi cani cucaadiaga zanda gúʼndanenu binni ti ndaa o guiráʼ ni zeeda lu tratadu riʼ primé ca chigánnanu laa o ra guibiguétanu ra nuucabe sti biaje. Bitiidiʼ ximodo zanda gusaananetu binni revista Torre stiʼ ni rapa stiʼ septiembre ne ¡Despertad! stiʼ octubre. Zanda iquiiñetu cani zeeda lu yaza 4 o guyúbitu xcaadxi modo para gusaanatu cani neza ra rucheechetu diidxaʼ. Lu tobi de ca modo ca naquiiñeʼ gutiiditu ti ni rucheeche diidxaʼ ra gusaananebe binni ca revista, peru binni ca qué náʼ guiaanané ca revista ca peru zaná guicaa ti tratadu. Lu stobi ca guiaanané binni ca revista ni ziné ni rucheeche diidxaʼ ca, peru laaca gusaananebe laa ti tratadu ne gúʼndanebe laa yaza 5 stini, ne gudxi laabe zadíʼdiluʼ sti dxi.

Diidxaʼ riuundaʼ 222 ne guiluxeneni ti oración.

Semana 1 stiʼ octubre

Diidxaʼ riuundaʼ 88

10 min. Cani chiguieeteʼ stiʼ ca binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu septiembre.

15 min. Carta ni biseendaʼ Betel. Libana ni ne zanda guicabi cani cucaadiaga. Zeedani lu primé yaza stiʼ Xhiiñaʼ Reinu ni Rúninu riʼ.

20 min. «Gúninu stipa pur gúninu jma lu xhiiñaʼ Dios.»b Gunabaʼ cani rucheeche diidxaʼ guiniʼcaʼ xi stipa cayúnicaʼ para gúnicaʼ jma lu xhiiñaʼ Dios. Laaca zanda guiníʼcabe xi huayúnicabe para gúnicabe jma lu xhiiñaʼ Dios. Dede ante zanda guyúbiluʼ tobi o chupa de laacabe para guiníʼcabe.

Diidxaʼ riuundaʼ 102 ne guiluxeneni oración.

[Ni cá ñee yaza]