Cani chitiidiʼ lu guendaridagulisaa stiʼ dxiiñaʼ stinu

Semana 12 stiʼ junio

Diidxaʼ riuundaʼ 218

10 min. Cani chiguieeteʼ stiʼ binni ridagulisaa. Bitiidiʼ chupa modo zanda usaananu revista tobi ne La Atalaya 15 stiʼ junio ne stobi ne ¡Despertad! stiʼ junio, biquiiñeʼ cani zeeda lu yaza 4 o xcaadxi modo ganda iquiiñeʼ neza ra rucheechenu diidxaʼ. Lu tobi de laani ihuinni ximodo zanda usaananu revista ora inínenu tuuxa binni ra tiica nuu.

20 min. «Ucheechenu diidxaʼ, ti dxiiñaʼ ni rusihuinni rianu binni.»a Pa udii tiempu la? unabaʼ cani cucaadiaga ca iniʼcaʼ de ca textu zeeda luni.

15 min. Guni crenu «mozo ni nuu xpiaaniʼ ne ni runi jneza». Libana ni ne zanda icabi cani cucaadiaga, zeedani lu capítulo 3 stiʼ libru Organizados para hacer la voluntad de Jehová.

Diidxaʼ riuundaʼ 47 ne oración iluxeneni.

Semana 19 stiʼ junio

Diidxaʼ riuundaʼ 21

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Biindané laacabe cuadru ni zeeda ra na: «¡Xhoopaʼ gayuaa mil!»

20 min. «Ti diidxaʼ ni guiníʼcabe órapeʼ caquiiñeʼ, ¡guizáʼ sicarú ni!» Libana ni ne zanda icabi cani cucaadiaga zeedani lu La Atalaya 1 stiʼ enero 2006, yaza 16 dede 19. Ora uzululuʼ bizeeteʼ xi tapa cosa zabeendunu ora uguʼnu gana binni casi modo na subtítulo: «Ximodo racané cani rininu». De racá unabaʼ cani cucaadiaga icábicaʼ ca endarinabadiidxaʼ riʼ: tuu nga naquiiñeʼ usisácanu primé. Xiñee galán nga gábinu ca bíchinu ne ca bizánanu xiixa diidxaʼ ni uguu gana laacaʼ. Pora zanda uguʼnu gana ca bíchinu ne ca bizánanu ra ridagulisaanu. Xiñee galán nga uguʼnu gana ca binnilídxinu, ne ximodo zanda gúninu ni. Ca diidxaʼ stiʼ ca bíchinu ne ca bizánanu, ximodo huaguu cani gana lii o huaquidxi cani fe stiluʼ.

15 min. «Usihuínninu rizaaláʼdxinu binni ora gábinu laacaʼ jneza ni cayúnicaʼ.»b Bitiidiʼ ti ni rucheeche diidxaʼ usihuínnibe ximodo ucaadiaga chaahuibe ora iníʼnebe tuuxa binni ra puertaʼ lidxi, gábibe laa jneza ni uníʼ ne gúʼndanebe laa ti textu ni caníʼ de ni bizeetebe.

Diidxaʼ riuundaʼ 96 ne oración iluxeneni.

Semana 26 stiʼ junio

Diidxaʼ riuundaʼ 63

15 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Biquiiñeʼ cani zeeda lu yaza 4 o xcaadxi modo ganda iquiiñeʼ neza ra rucheechenu diidxaʼ para utiidiluʼ chupa modo zanda usaananu revista tobi ne La Atalaya 1 stiʼ julio ne stobi ne ¡Despertad! stiʼ julio. Cada iluxe cani, ni rucheeche diidxaʼ ca inabadiidxabe binni ca xiixa ni ucaa laa iníʼ ique para icábibe laa ne libru Xipeʼ ndiʼ cusiidiʼ Biblia ora chigánnabe laa sti biaje .

15 min. «Ximodo zanda acanenu ra nuu ti neza binni ridagulisaa ni riníʼ sti diidxaʼ.» Libana ni ne zeedani lu La Atalaya 15 stiʼ marzo 2006, yaza 17 dede 20. Bizeeteʼ cani zeeda lu libru Organizados, yaza 112, párrafo 2. Biiyaʼ ximodo zanda gúnicabe cani zeeda lu revista ne libru ca. Zanda utiidiluʼ ne inabadiidxaluʼ tobi o chupa de ca bíchinu ne bizánanu ni caziidiʼ sti diidxaʼ para ganda gúnicaʼ jma lu xhiiñaʼ Dios.

15 min. Ximodo ucheechenu diidxaʼ lu beeu julio. Xi tema ndiʼ zanda chuulaʼdxiʼ binni nabeza neza ra rucheechenu diidxaʼ yaʼ. Bitiidiʼ ne unabadiidxaʼ tobi o chupa de cani rucheeche diidxaʼ ni nabé nagueenda ridxela modo usaanané binni libru «Xipeʼ ndiʼ cusiidiʼ biblia» ne zándaca maʼ bizulú cayuundanebe ni binni. Bitiidiʼ ti modo zanda usaanacabe ca folletu ni chiusaananenu binni beeu riʼ ora maʼ zécabe de yoo pur yoo (laguuyaʼ Xhiiñaʼ Reinu ni Rúninu, enero stiʼ 2005 yaza 8, párr. 5).

Diidxaʼ riuundaʼ 208 ne oración iluxeneni.

Semana 3 stiʼ julio

Diidxaʼ riuundaʼ 111

10 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu junio pa caʼruʼ udiicabe ni.

15 min. Ni caquiiñeʼ binni ridagulisaa.

20 min. «Ximodo zanda ugaandaluʼ ca guenda naguixhe íqueluʼ gúniluʼ ndaaniʼ xquidxi Dios.» Unabaʼ ca hombrehuiiniʼ ne ca dxaapahuiiniʼ ni nuu ra ridagulisaatu iniʼcaʼ xi guenda naguixhe íquecaʼ ugaandacaʼ ne xi cayúnicaʼ para ugaanda cani. Zanda iníʼneluʼ tobi o chupa hombrehuiiniʼ o dxaapahuiiniʼ dede ante para icabi.

Diidxaʼ riuundaʼ 30 ne oración iluxeneni.

[Ni cá ñee yaza]