Cani chitiidiʼ lu guendaridagulisaa stiʼ dxiiñaʼ stinu

Semana 8 stiʼ agosto

Diidxaʼ riuundaʼ 125

5 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Pa maʼ nánnatu padxí chigaca guendaridagulisaa de ti dxi ne de chupa gubidxa para iza stiʼ dxiiñaʼ 2006 riʼ la? bisietenalaʼdxiʼ ni cani rucheeche diidxaʼ.

15 min. Ximodo uzulú gúʼndanenu Biblia ca binni ni ucuaa folletu cubi ¡Manténgase alerta! Libana ni ne zanda icabi cani cucaadiaga, utiidiʼ binnigola ni ruuyaʼ modo rireeche diidxaʼ ni. Bitiidiʼ ti modo ibiguetaʼ chigánnanu tuuxa. Ni rucheeche diidxaʼ ca iquiiñeʼ últimu yaza stiʼ folletu ca para gábibe binni ca pa zaa chiguundanebe laa Biblia, ne quíxhebe padxí ibiguétabe ti gúʼndanebe laa primé ndaa stiʼ folletu Xi canabaʼ Dios lii guʼnuʼ sti biaje ibiguétabe ra nuu. Gudxi irácabe icá íquecabe uzulú guʼndanécabe Biblia ca binni ni ucuaa folletu ¡Manténgase alerta!

25 min. «¡Yanna nga tiempu ucheechenu diidxaʼ!»a Dede ante biyubi tobi o chupa ni rucheeche diidxaʼ ti usiénecaʼ xi bíʼnicaʼ para gunda bizulucaʼ de precursor regular ne xi huabeenducaʼ.

Diidxaʼ riuundaʼ 197 ne oración iluxeneni.

Semana 15 stiʼ agosto

Diidxaʼ riuundaʼ 11

10 min. Cani chiguieeteʼ stiʼ binni ridagulisaa. Para utiidiluʼ chupa modo zanda usaananu revista La Atalaya 15 stiʼ agosto ne ¡Despertad! 22 stiʼ agosto la? biquiiñeʼ cani zeeda lu yaza 8 (pa zanda iquiiñeʼ cani neza ra rucheechenu diidxaʼ). Ti binnigola ne tobi ni rucheeche diidxaʼ huará usihuínnicaʼ ximodo ucheechenu diidxaʼ pur teléfono.

15 min. Rietenalaʼdxuʼ la? Guiuundaʼ ni ne zanda icabi cani cucaadiaga, zeedani lu La Atalaya 15 stiʼ abril 2005, yaza 30. Unabaʼ cani cucaadiaga icábicaʼ lu iráʼ endarinabadiidxaʼ stini. Uníʼ pabiáʼ risaca ni. Gudxi laacabe gúʼndacabe iráʼ ca revista La Atalaya ne ¡Despertad! ni ricaanu.

20 min. «Ximodo uzulú gúʼndanenu binni Biblia ra puertaʼ lidxi ne pur teléfono.»b Bitiidiʼ ti modo zanda ácani. Ni rucheeche diidxaʼ ca uzulú guʼndané binni Biblia primé ca biaje zigánnabe laa ne iquiiñebe tobi o chupa párrafo stiʼ folletu Xi canabaʼ Dios lii guʼnuʼ. Bizeeteʼ tobi o chupa de ni bizaaca cani rucheeche diidxaʼ ni bizulú cayuundanecaʼ binni Biblia pur teléfono.

Diidxaʼ riuundaʼ 30 ne oración iluxeneni.

Semana 22 stiʼ agosto

Diidxaʼ riuundaʼ 161

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu.

15 min. Ni caquiiñeʼ binni ridagulisaa.

20 min. «Ti dxiiñaʼ izáʼ sicarú ni nápanu nga ucheechenu stiidxaʼ Reinu.» Ora guiuundaʼ párrafo 4 ca la? bizeeteʼ zanda udii cani rucheeche diidxaʼ ni maʼ huaniisi o cani huará biaʼ quince minutu de dxiiñaʼ ni gúnicaʼ (biiyaʼ Nuestro Ministerio del Reino stiʼ octubre 2002, yaza 8, párrafo 6).

Diidxaʼ riuundaʼ 204 ne oración iluxeneni.

Semana 29 stiʼ agosto

Diidxaʼ riuundaʼ 45

10 min. Cani chiguieeteʼ sti binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ lu beeu agosto. Para utiidiluʼ chupa modo zanda usaananu revista La Atalaya 1 stiʼ septiembre ne ¡Despertad! 8 stiʼ septiembre la? biquiiñeʼ cani zeeda lu yaza 8 (pa zanda iquiiñeʼ cani neza ra rucheechenu diidxaʼ). Tobi de laacani aca ora ibiguetaʼ chigánnacabe tuuxa ni maca risaanacabe revista ra nuu.

15 min. «Ucheechenu Stiidxaʼ Dios pur modo laanu» Unabaʼ cani rucheeche diidxaʼ ni maca uníʼneluʼ dede ante para iniʼcaʼ ximodo ucané xpiáʼ ca xpinni Dios laacabe para beeda ácacabe testigu stiʼ Jiobá.

20 min. Iquiiñenu Biblia primé ca biaje inínenu binni. Libana ni ne zanda icabi cani cucaadiaga. Biindaʼ cani zanda iquiiñeʼ ni zeeda lu Xhiiñaʼ Reinu ni Rúninu stiʼ septiembre 2004, yaza 4, párrafo 2, ni zacané laanu ucaʼnu binni guʼyaʼ xiná Stiidxaʼ Dios primé ca biaje inínenu laacaʼ. Bitiidiʼ tobi o chupa modo zanda iquiiñenu ca guiʼchiʼ ni usaananenu binni beeu septiembre ra iquiiñenu ca modo zeeda para gúninu ni. Pa udii tiempu la? laaca zanda gúʼndaluʼ ne uluiʼluʼ ximodo zanda iquiiñeʼ cani zeeda lu guiʼchiʼ ni rizaané Xhiiñaʼ Reinu ni Rúninu stiʼ enero 2005 para usaananu ca guiʼchiʼ ca.

Diidxaʼ riuundaʼ 71 ne oración iluxeneni.

Semana 5 stiʼ septiembre

Diidxaʼ riuundaʼ 98

10 min. Cani chiguieeteʼ stiʼ binni ridagulisaa.

15 min. «Gúʼndanenu binni modo ganda iniisi jma lu Stiidxaʼ Dios. Ndaa 12.» Dede ante biyubi tobi o chupa ni rucheeche diidxaʼ para iniʼcaʼ xi ucané laacaʼ para biziidicaʼ ximodo jma jneza uzulú gúʼndanecaʼ binni Biblia.

20 min. Quixhe chaahuinu modo nabáninu ti ganda acanenu cani maʼ huaniisi. Libana ni udii ti binnigola ni zeeda lu La Atalaya 15 stiʼ agosto 1993, yaza 28 ne 29, ra na «Izáʼ risaca nga quixhe chaahuinu ni gúninu». Bizeeteʼ ni maʼ naguixhe ca binni ridagulisaa guni para acanecaʼ cani huará ne cani maʼ nagola.

Diidxaʼ riuundaʼ 164 ne oración iluxeneni.

[Ni cá ñee yaza]