Nehemías

3 Para bizulú Eliasib sacerdote ni jma risaca ne ca bíʼchibe ni naca sacerdote, biʼniʼ chaahuicabe entrada ra nuu Puertaʼ stiʼ ca Dendxuʼ. Gulícabe ni para iquiiñeni para gúnicabe xhiiñaʼ Dios* ne bicaacabe ca ndaga stiʼ puertaʼ que. Laaca biʼniʼ chaahuicabe ti ndaa muru ni nuu ra ruzulú Torre stiʼ Meá hasta ra nuu torre stiʼ Hananel ne gulícabe ni para iquiiñeni para gúnicabe xhiiñaʼ Dios. 2 Ca hombre de Jericó la? biʼniʼ chaahuicaʼ sti ndaa muru ni raca seguir que. Ne Zacur xiiñiʼ Imrí la? biʼniʼ chaahuiʼ sti ndaa que.

3 Ca xiiñiʼ Hasenaá la? biʼniʼ chaahuicaʼ Puertaʼ stiʼ Benda que. Bicaacabe ca muríu stiʼ puertaʼ que ne bigaandacabe ca ndaga stini, laaca bicaacabe ca cerrojo stini ne ca barra para guieeguneni. 4 Meremot —xiiñiʼ Uriya, xiiñiʼ Hacoz— biʼniʼ chaahuiʼ sti ndaa muru que; Mesulam —xiiñiʼ Berekías, xiiñiʼ Mesezabel— biʼniʼ chaahuiʼ sti ndaa muru ni raca seguir que, ne Sadoc xiiñiʼ Baaná biʼniʼ chaahuiʼ sti ndaa que. 5 Ca tecoíta la? biʼniʼ chaahuicaʼ sti ndaa muru ni raca seguir que, peru qué niná ca hombre risaca nuu ládecaʼ ñácacaʼ humilde para ñúnicaʼ dxiiñaʼ para ca ni cayuuyaʼ ca obra que.

6 Joiadá xiiñiʼ Paséah ne Mesulam xiiñiʼ Besodeya la? biʼniʼ chaahuicaʼ Puertaʼ stiʼ Guidxi Yooxhoʼ que. Bicaacabe ca muríu stiʼ puertaʼ que ne bigaandacabe ca ndaga stini, bicaacabe ca cerrojo stini ne ca barra para guieeguneni. 7 Melatías gabaonita que ne Jadón meronotita que la? biʼniʼ chaahuicaʼ sti ndaa muru ni raca seguir que. De Gabaón ne de Mizpá ca hombre riʼ ne ni runi mandar laacabe nga gobernador stiʼ ca guidxi ni nuu ladu riaaziʼ gubidxa de guiiguʼ Éufrates. 8 Uziel xiiñiʼ Harhaya, tobi de ca plateru que la? biʼniʼ chaahuiʼ sti ndaa muru ni raca seguir que. Ne Hananías, tobi de ca ni runi perfume biʼniʼ chaahuiʼ sti ndaa. Laacabe nga biʼniʼ pavimentárcabe Jerusalén hasta ra nuu Muru Nabata que. 9 Refayá xiiñiʼ Hur biʼniʼ chaahuiʼ sti ndaa muru ni raca seguir que. Laabe nga nácabe príncipe stiʼ ti parte de Jerusalén. 10 Jedayá xiiñiʼ Harumaf la? biʼniʼ chaahuiʼ sti ndaa muru ni raca seguir que, ni nuu frente de ra lídxibe. Ne Hatús xiiñiʼ Hasabneya biʼniʼ chaahuiʼ sti ndaa que.

11 Malkiya xiiñiʼ Harim ne Hasub xiiñiʼ Pahat-Moab la? biʼniʼ chaahuicaʼ sti ndaa muru que ne Torre stiʼ ca Horno. 12 Ca ni biʼniʼ chaahuiʼ sti ndaa muru que nga Salum xiiñiʼ Halohés ne ca xiiñidxaapaʼ. Salum nga naca príncipe stiʼ ti parte de Jerusalén.

13 Hanún ne ca binni de Zanóah la? biʼniʼ chaahuicaʼ Puertaʼ stiʼ Valle que. Biʼniʼ chaahuicabe ni ne bigaandacabe ca ndaga stini, bicaacabe ca cerrojo stini ne ca barra para guieeguneni. Laaca biʼniʼ chaahuicabe biaʼ ti mil codo* de muru que, hasta ra nuu Puertaʼ stiʼ ca Montón Dé Ludé. 14 Malkiya xiiñiʼ Recab, ni naca príncipe stiʼ ti lugar ni láʼ Bet-Hakerem la? biʼniʼ chaahuiʼ Puertaʼ stiʼ ca Montón Dé Ludé. Biʼniʼ chaahuibe ni ne bigaandabe ca ndaga stini, bicaabe ca cerrojo stini ne ca barra para guieeguneni.

15 Salún xiiñiʼ Colhozé, ni naca príncipe stiʼ guidxi Mizpá la? biʼniʼ chaahuiʼ Puertaʼ stiʼ ra Ridá Nisa. Biʼniʼ chaahuibe ni, bidxiibabe íqueni ne bigaandabe ca ndaga stini, bicaabe ca cerrojo stini ne ca barra para guieeguneni. Laaca biʼniʼ chaahuibe muru stiʼ Tanque stiʼ Canal, ni nuu cueʼ Jardín stiʼ Rey que, dede ra nuu escalera ni zedayete de Xquidxi David.

16 Nehemías xiiñiʼ Azbuc, ni naca príncipe stiʼ ti parte de Bet-Zur, biʼniʼ chaahuiʼ sti ndaa muru ni raca seguir que, dede frente de Ca Baʼ stiʼ David hasta ra nuu tanque ni bíʼnicabe que ne hasta ra nuu Yoo stiʼ ca ni Nadipaʼ.

17 Ca levita la? biʼniʼ chaahuicaʼ sti ndaa muru ni raca seguir que, ne Rehúm xiiñiʼ Baní nga guca xaíque stícabe; Hasabías ni naca príncipe stiʼ ti parte de Queilá la? biʼniʼ chaahuiʼ sti ndaa muru que, ne ca binni de raqué nga gulí laabe para guni chaahuibe ni. 18 Ca bíʼchicabe nga biʼniʼ chaahuiʼ sti ndaa muru ni raca seguir que. Ne ni guca xaíque stícabe nga Bavái xiiñiʼ Henadad, ni naca príncipe stiʼ ti parte de Queilá.

19 Cueʼ ra biʼniʼ chaahuicabe que, biʼniʼ chaahuiʼ Ézer xiiñiʼ Jesúa, ni naca príncipe stiʼ Mizpá, sti ndaa muru ni nuu frente de neza ra ziguíʼbacabe ra nuu Yoo ra Riaapaʼ Guiibaʼ ni Rinécabe lu Guerra, lugar ra jma naguidxi stiʼ muru que.*

20 Delante si que, biʼniʼ chaahuiʼ Baruc xiiñiʼ Zabái sti ndaa muru ni raca seguir que, ne bíʼnibe dxiiñaʼ né stale gana, dede ra nuu lugar ra jma naguidxi stiʼ muru que hasta ra entrada lidxi Eliasib, sacerdote ni jma risaca.

21 Delante si que, biʼniʼ chaahuiʼ Meremot —xiiñiʼ Uriya, xiiñiʼ Hacoz— sti ndaa muru que, dede ra entrada lidxi Eliasib hasta ra riluxe lidxi Eliasib.

22 Ca sacerdote ni nabeza lu ca layú stiʼ Jordán* que la? biʼniʼ chaahuicaʼ sti ndaa muru ni raca seguir que. 23 Benjamín ne Hasub la? biʼniʼ chaahuicaʼ sti ndaa muru ni nuu frente de ra lídxicaʼ. Ne Azarías —xiiñiʼ Maaseya, xiiñiʼ Ananíah— biʼniʼ chaahuiʼ sti ndaa muru ni raca seguir que, ni nuu gaxha de ra lidxi. 24 Delante si que biʼniʼ chaahuiʼ Binuí xiiñiʼ Henadad sti ndaa muru ni raca seguir que, dede ra lidxi Azarías hasta ra nuu lugar ra jma naguidxi stiʼ muru que ne dede squina que.

25 Palal xiiñiʼ Uzái la? biʼniʼ chaahuiʼ sti ndaa muru ni raca seguir que, frente de lugar ra jma naguidxi stiʼ muru que ne de torre ni guiʼdiʼ ra Lidxi* Rey, ni nuu ra jma nasoo, lu Patiu stiʼ ca Guardia. Pedaya xiiñiʼ Parós la? biʼniʼ chaahuiʼ sti ndaa muru ni raca seguir que.

26 Ne ca ni runi dxiiñaʼ ra templu,* ca ni nabeza Ofel, biʼniʼ chaahuicaʼ dede frente de ra nuu Puertaʼ stiʼ Nisa, ladu rindani gubidxa, ne ra nuu torre ni riree lu muru que.

27 Delante que, maʼ ca tecoíta biʼniʼ chaahuicaʼ sti ndaa muru ni raca seguir que, dede frente ra nuu torre naroʼbaʼ ni riree lu muru que hasta ra nuu muru stiʼ Ofel.

28 Ca sacerdote la? biʼniʼ chaahuicaʼ sti ndaa muru ni raca seguir que, ni nuu jma delante de ra Puertaʼ stiʼ ca Caballu. Cada tobi biʼniʼ dxiiñaʼ frente de ra lidxi.

29 Sadoc, xiiñiʼ Imer, biʼniʼ chaahuiʼ sti ndaa muru ni nuu frente de ra lidxi.

Ne Semaya xiiñiʼ Secanías, ni rapa ra Puertaʼ Ladu rindani gubidxa, biʼniʼ chaahuiʼ sti ndaa muru ni raca seguir que.

30 Delante si que, ca ni biʼniʼ chaahuiʼ sti ndaa muru ni raca seguir que nga Hananías xiiñiʼ Selemías ne Hanún, laabe nga ra bizaa xhoopaʼ xiiñiʼ Zalaf.

Ne Mesulam xiiñiʼ Berekías nga biʼniʼ chaahuiʼ sti ndaa muru ni raca seguir que, ni nuu frente de ra lídxibe.

31 Delante si que, ni biʼniʼ chaahuiʼ sti ndaa muru ni raca seguir que nga Malkiya, tobi de ca ni nuu lu grupu stiʼ ca plateru, dede ra nuu yoo stiʼ ca ni runi dxiiñaʼ ra templu* ne ca ni runi negocio, frente de ra Puertaʼ ra Runi Revisárcabe, hasta ra nuu cuartu ni dxiʼbaʼ ique squina muru que.

32 Ca plateru ne ca ni runi negocio que la? biʼniʼ chaahuicaʼ dede ra nuu cuartu ni dxiʼbaʼ ique squina muru que hasta ra nuu Puertaʼ stiʼ ca Dendxuʼ.