Amalaneje ni Lipowo Mwakwakamuchisya Ŵane—Ana Baibulo Jikusasala Yamti Uli Panganiji?

Ŵandu pachilambopa akutenda lipowo soni akulipikana kuŵa ŵakutalikangana ni ŵane. Achinamatetule ŵane ŵakulola ya umi wa ŵandu akukulupilila kuti kwakamuchisya ŵane lili litala lyambone lyakumalana ni lipowo.

•  Bungwe jine (National Institutes of Health) ja ku United States jatite, “Kwakamuchisya ŵandu ŵali ŵakulaga mpaka kutendekasye kola umi wambone nambosoni mpaka kutukamuchisye kulimbana ni nganisyo syakuliwona kuti tuli jikajikape”

Baibulo mpaka jitukamuchisye kumanyilila yatukusosekwa kutenda kuti tukomboleje kwakamuchisya ŵandu ŵane. Kukamulichisya masengo yajikusasala Baibuloji ni kwampaka kutukamuchisye kumalana ni lipowo.

Yakusosekwa kutenda

Aŵeje ŵakoloŵa makono. Apateje ndaŵi jakunguluka ni ŵandu ŵane mnopemnope pameso ni pameso. Ŵagaŵileje ŵandu ŵane yindu yakwete. Naga akutenda yeleyi, jemanjaji chachayamichila mnope mwamti chachiŵa nawo paujakwe wambone.

•  Mfundo ja m’Baibulo: “Mŵeje ŵakupeleka, ni jemanjasoni ŵandu chachimpa.”—Luka 6:38.

Alipelecheje pakwakamuchisya ŵane. Ŵakamuchisyeje ŵandu ŵakusimana ni yakusawusya paumi wawo. Yeleyi yikupwatikapo kwapikanilaga pakuŵecheta nambosoni kwakamuchisya masengo yampaka yikamuchisye kunandiya yakusawusya yakusimana nayo.

•  Mfundo ja m’Baibulo: “Mlongo mjakwe ŵapagwile kuti atukamuchisye pa ndaŵi ja yisawusyo.”—Misyungu 17:17,

Kuti amanyilile yejinji yakwakamuchisya kupitilisya kuŵa paunasi wambone ni ŵandu ŵane, aŵalanje ngani jakuti “Liŵasa Soni Kuŵa Paunasi ni Achimjetu.”