Akulupilileje Mnope Kuti Yehofa Mpaka Ŵakulupusye

Aŵalanje Numeli 13:25–14:4 papakulosya kuti Ayisalayeli nganamkulupililaga Yehofa.

Ajipikanichisye ngani josopejo. Ligongo chichi Ayisalayeli akasosekwe kukola chikulupi chakuti Yehofa akwete machili gakwakulupusya jemanjajo? (Sal. 78:​12-16, 43-53) Ana chichi chachatendekasisye jemanjaji kuleka kumkulupilila Yehofa? (Det. 1:​26-28) Ana Yoswa soni Kalebe ŵalosisye chamti uli kuti ŵamkulupililaga Yehofa?—Num. 14:​6-9.

Alijiganye mwakusokoka. Ana Ayisalayeli akatesile chichi kuti atande kumkulupilila mnope Yehofa? (Sal. 9:10; 22:4; 78:11) Ana pana kukamulana kwamti uli pasikati pa kumkulupilila Yehofa ni kumchimbichisya jwalakwe?—Num. 14:11.

Apate yalijiganyisye. Aliwusye kuti:

• ‘Ana ni yakutendekwa yapi yampaka yisawusye uneji kumkulupilila Yehofa?’

• ‘Ana mpaka ndende chichi kuti namkulupilileje mnope Yehofa apano soni msogolo?’

• ‘Ana chinjisosekwa kukulupilila mnope ya chichi payichitandaga yakusawusya yekulungwa?’—Luk. 21:​25-28.