Ana Akukumbuchila?
Ana aŵalasile mwakusamala magasini ga Sanja ja Mlonda ga chaka achino? Kwende tulole naga chakombole kwanga yiwusyo yakuyichisyayi:
Ana ni chichi chachikusatutendekasya kuti tumchimbichisyeje Yehofa?
Chachikusatutendekasya kumchimbichisya Yehofa chili chakuti tukusamwona jwalakwe kuŵa jwakusosekwa mnope soni tukusamnonyela mnope. Tukusamchimbichisyasoni jwalakwe ligongo lyakuti tukusasaka kuti ŵane ammanyilile.—w25.01, p. 3.
Naga mundu jwine atuleŵele, ana mpaka tutende yamti uli kuti tumkululuchile?
Ngatukusagamba kuŵambala kuganichisya mwatukupikanila mumtima. Nambo tukusasagula kuti tukatumbila kapena kumsunjila chakulukosi mundujo yayikusakamuchisya kuti tukole chilu chambone.—w25.02, pp. 15-16.
Ligongo chichi Maliko ali chisyasyo chambone mnope kwa abale ŵachinyamata?
Mwakusachilila, Maliko jwajitichisye kupochela utumiki. Komboleka kuti pandaŵi jine jwalakwe jwatumbile soni kutenguka ni yindu yayatendekwe, nambo nganakunda kuti agambe kuleka utumiki. Mwamti jwalakwe jwapitilisye kuŵa paunasi wambone ni Paulo soni ŵandu ŵane.—w25.04, p. 27.
Ana Yesu jwagopolelaga chichi paŵapopesile kuti, “Une namanyisye jemanjajo lina lyawo”? (Yohane 17:26)
Ŵakulijiganya ŵa Yesu ŵalimanyililaga kala lina lya Mlungu. Myoyo jwalakwe jwakamuchisye ŵakulijiganya ŵakwe kummanyilila chenene Yehofa. Yeleyi yapwatikagaposoni kwamanyisya chakulinga cha Yehofajo kwa ŵandu soni chilambochi, yatesile jwalakwe, yachachitenda, soni ndamo syakwe syambone.—w25.05, pp. 20-21.
Ana tukusamanyilila chichi naga tuli ŵakulinandiya?
Naga tuli ŵakulinandiya tukusamanyilila kuti nganituŵa tumanyilile chilichose. Mwachisyasyo ngatukusamanyilila lisiku lya alamagedo kapena yachachitenda Yehofa pandaŵi jeleji. Ngatukusamanyililasoni yayichitendekwa malaŵi soni yakusati yehofa pakutumanyilila m’weji.—w25.06, pp. 15-18.
Ana mpaka atende chichi kuti paŵalasile ngani jinejakwe kapena kupikanila ngani ja wosope yakamuchisyeje?
Tukusosekwa kuliwusya kuti: ‘Ana munganiji akamulichisye masengo maumboni gapi pakusaka kwayika pamtima ŵandu? Ana mwana ngani jakuwanichisya jampaka najikamulichisye masengo pakumjiganya mundu? Ana ni ŵani ŵampaka asangalale ni ngani jeleji?’—w25.07, p. 19.
Ana yaŵatesile Yehofa pakumkululuchila Daudi mpaka tulijiganye yamti uli?
Atamose kuti Daudi jwatesile yindu yakusakala mnope, nambope Yehofa ŵamkululuchile jwalakwe pajwapitikwiche mtima yisyesyene. (1 Ayi. 9:4, 5) Mlungu pamkululuchile mundu jwangamjimbagasoni magambo kapena kumpa chilango pa yakulemwa yaŵamkululuchile kala.—w25.08, p. 17.
Ana mpaka atende uli naga jwakulijiganya Baibulo ngakupikanichisya mfundo jinejakwe?
Naga mundujo ngakupikanichisya mfundo jinejakwe, mpaka asagule kupitilisya lijiganyolyo ni kulinganya yakuwujilaposoni ndaŵi jine.—w25.09, p. 24.
Baibulo jikusaŵecheta kuti ulemwa ‘ukwete machili gakulambusya.’ (Aheb. 3:13) Ana yeleyi yikusatendekwa mwamti uli?
Ulemwa mpaka ututendekasye kutenda yindu yakusakala. Ulemwa mpaka utulambusyesoni kuti tutamileje kukayichila. Mwachisyasyo mpaka tukayichileje naga Mlungu akusatunonyela yisyesyene.—w25.10, p. 16.
Ana ni yindu yitatu yapi yampaka tutende kuti mapopelo getu gaŵeje gakupikanika chenene?
(1)Tuganichisyeje ndamo syakwete Yehofa. (2) Tuganichisyeje yatukusaka kuŵecheta soni tusaleje yeleyo. Mwachisyasyo mpaka tutende yeleyi naga tukusosekwa kwakululuchila ŵane (3) Tupelecheje mapopelo gelewu. Yeleyi yichitukamuchisya kuti tusale yayili mu mtima mwetu.—w25.10, pp. 19-20.
Ana mpaka twakamuchisye chamti uli ŵakalambale?
Mpaka tutende yeleyo mwakwawula kukwalola kapena kwajimbila foni. Mpaka twapechesyesoni pakwawula ku chipatala. Kapena mpaka tutendeleje yimpepe ma ulaliki gakulekanganalekangana.—w25.11, pp. 6-7.
Ana ni yindu yakusosekwa mnope yapi yampaka yitendekasye kuti ukwati wa Chiklistu uŵe ŵakuchimbichika?
Akusosekwa kukuya malamusi ga boma. Akusosekwa kutenda yakuti ukwati wawo chiwulosye chenene ndamo syele msimu weswela ukusamkamuchisya mundu kukola. Awaleje mwauchimbichimbi soni aŵambaleje kukuya misyungu jakutindana ni mfundo sya m’Baibulo. Aŵechetaneje chenene pakukosechela ukwati wawo.—w25.12, pp. 21-24.