Yampaka Yakamuchisye Kuti Aŵalanjeje Baibulo Lisiku Lililyose

Ana yikusiyasawusya kukuya ndandanda jawo jakuŵalanjila Baibulo lisiku lililyose ligongo lyakuti yikusiyatupilaga? (Yos. 1:8) Naga yili myoyo, mpaka alinje kukamulichisya masengo mfundo syasili pasipa:

• Akoleje chindu champaka chakumbusyeje. Atejeje alamu pa foni jawo kuti jakumbusyeje ndaŵi ja kuŵalanga Baibulo.

• Asunjeje Baibulo jawo pamalo gakuwonechela. Naga akusaŵalanga Baibulo jepulinte, akusosekwa kujiŵikaga pamalo pampaka ajiwoneje mwangasawusya lisiku lililyose.—Det. 11:18.

• Akamulichisyeje masengo Baibulo jakupikanila. Apikanileje Baibuloji pakukamula masengo gane ga lisiku lililyose. Mlongo jwine lina lyakwe Tara, jwali mpayiniya, nangolo, soni jwakusakamula masengo chilo jwatite, “Kamulichisya masengo Baibulo jakupikanila pangukamula masengo ga pamlango kukusangamuchisyaga kuti mbalanjeje Baibulo lisiku lililyose.”

• Akawujilaga munyuma. Naga yindu yine yangajembecheya yisokonasisye ndandanda jawo, aŵalanjeje atamose ndime syamnono sya m’Baibulo mkanaŵe kugona. Mwamti mpaka apate maumbone gejinji atamose ali mkuŵalanga ndime syamnono lisiku lililyose.—1 Pet. 2:2.