Akamulichisyeje Masengo Malemba Gagakusaŵa Pasikati pa Baibulo

Komboleka kuti wawojo akwete Baibulo ja Chilambo Chasambano ja Malemba Geswela ja chiŵecheto chine mpela Chichewa kapena Chisungu jajikwete malemba ga pasikati. Kuti apate malemba ga pasikatiga, chandanda akusosekwa kulola kachilembo kamwana kakakusimanikwa paliloŵe kapena mu ndime jakuŵalanga. Naga akukamulichisya masengo Baibulo jepulinte, mpaka apate malembaga mwakulola lilemba lyaliŵisile pa kachilembo kakoko pasikati pa Baibulo jawo. Naga akukamulichisya masengo Baibulo ja pa jw.org kapena pa JW Library^® mpaka agambe kutowanya kachilembo kakali paliloŵe kapena pandimepo kuti aŵalanje malemba gakwe.

Malemba gagakusaŵa pasikati pa Baibulo mpaka gakamuchisye kupata yindu yakuyichisyayi soni yine:

Ngani jakulandana ni jakuŵalangajo: Malembaga mpaka gakamuchisye kupata ngani ja m’Baibulo jakulandana ni ngani jakuŵalangajo. Mwachisyasyo, mpaka alole pa 2 Samuyele 24:1 soni 1 Mbili 21:1.

Kamula maloŵe gane: Malembaga mpaka galosye papatyochele liloŵe kapena ndime jinejakwe. Mwachisyasyo, mpaka alole pa Mateyu 4:4 soni Detulonomo 8:3.

Kukwanilichikwa kwa yakulochesya: Malembaga mpaka galosye kukamulana kwa yakulochesya ni kukwanilichikwa kwakwe. Mwachisyasyo, mpaka alole pa Mateyu 21:5 soni Sakaliya 9:9.