Akamulichisyeje Masengo Yindu Yayitendekwe Kwene Pakulalichila

Yesu paŵatendaga utumiki wakwe, jwakamulichisyaga masengo yindu yayitendekwe kwene pakusaka kwajiganya ŵandu. (Luk 13:1-5) Wawojosoni mpaka akamulichisye masengo yindu yayitendekwe kwene kuti ŵakamuchisye ŵandu kupikanila utenga wa Uchimwene. Mpaka atande kambilana ni mundu pangani syakwayana ni kwela mitengo kwa yindu, ngosi syachilengedwe, yachiwawa, kamulichisya masengo mitela jakusokonasya mtwe kapena yine. Kaneko mpaka amwusye nganisyo syakwe. Mwine mpaka amwusye kuti, “Ana akuganisya kuti yamtiyamti yichimala?” kapena “Ana akuganisya kuti yamtiyamti mpaka yimale wuli?” Kaneko amŵalanjile lilemba lyakamulana ni ngani jakukambilanajo. Naga mundujo alosisye kuti akusaka kumanyilila yejinji mpaka amlosye fidiyo kapena kumpa buku kutyochela pa Yindu Yakwiganyila. Tutendeje yampaka tukombole kuti twayicheje pamtima ŵandu ŵamudela jetu. ‘Tutendeje yosopeyi, ligongo lya Ngani Syambone.’—1Ak 9:22, 23.

Ana ni ngani syapi syampaka syayiche pamtima ŵandu ŵamudela jawo?