Kongolela Katende Ketu Ka Undumetume​—Aŵeje Ŵakoseka Kuchenga

LIGONGO LYAKWE KULI KWAKUSOSEKWA: Ŵasagulwe soni ŵangondolo sine akusiŵaŵilanjila ŵandu ŵa mitundu josope kuti “agapochele mwalulele mesi gakupeleka umi.” (Ciw. 22:17) Mesi gakuwanichisyaga gakwimila yosope yakusapeleka Yehofa yakwakulupusya ŵandu ŵakupikanila ku ulemwa ni chiwa.[1] Kuti twakamuchisye ŵandu ŵakwete ndamo soni yikulupi yadini yakulekanganalekangana, tukusosekwa kulalichilaga “Ngani Syambone syangamala” m’litala lyakamula mtima kwa jwalijose.—Ciw. 14:6.

MWAMPAKA TUTENDELE:

• Asaguleje ngani soni lilemba lyampaka lyayiche pa mtima ŵandu ŵa mu dela jawo. Kombelekasoni kusagula chisyasyo chakalalichile kapena ulaliki wuliwose wawuŵele mkwayika ŵandu pamtima. Ana ni ngani soni malemba gapi gakusagajitichisya mwangasawusya? Ana pana ngani jajigambile kutendekwa kwene jajili mkamwamkamwa? Ana ni ngani japi jampaka jimyiche pamtima jwamkongwe kapena jwamlume?

• Pakukambilana kwawo akaliŵalilaga kupeleka moni soni kutenda mwakamulana ni ndamo sya mu dela jawo.—2 Akoli. 6:3, 4

• Agamanyilileje chenene mabuku soni mafidiyo gagali mu Yida Yakamulichisya Masengo Pakwiganya kuti agaŵile kwa mundu jwalosisye lung’wanu

• Atende dawunilodi mabuku soni mafidiyo ga yiŵecheto ya ŵandu ŵakusasimana nawo mu dela jawo

• Achenjeje ngani jakuŵecheta kuti ŵalalichilejesoni ŵane. (1 Akoli. 9:19-23) Mwachisyasyo, ana mpaka asale chichi naga amanyilile kuti msyenenyumbajo pachangakaŵapa awililwe?

ALOLELE FIDIYO, KANEKO AJANJE YIWUSYO AYI:

• Ana jwakulalichilaju jwatandite kukambilana ni msyenenyumbaju ni ngani japi?

• Ana msyenenyumbaju chamtendechele chichi pa umi wakwe?

• Ana ni lilemba lyapi lilyaliji lyakamulana ni chakutendekwacho soni ligongo chichi?

• Ana mpaka achenje chamtuli ngani jawo kuti jiŵe jakamulana ni ŵandu ŵa mu dela jawo?