Ana Tukulijiganya Chichi mu Nyimbo Syetu?

Ana ni nyimbo sine syapi syakusasinonyela mnope? Soni ligongo chichi akusasinonyela? Ana mafidiyo ganyimbo gakusalolela gakusakwaya chamtuli yakutendekwa ya paumi wawo? Kajimbe ka nyimbo ni yiwundo yakwe yikusakwaya jwalijose. Kusala yisyene nyimbo soni mafidiyo ganyimbo yili yakusangalasya mnope.

Nyimbo jilijose jikusatujiganya majiganyo gakusosekwa mnope gampaka tugakamulichisyeje masengo pa undumetume ni umi wetu wa Chiklistu. Nyimbo sine sikusatulimbikasya kuŵa ŵakunonyelana, ŵakulimba mtima, ŵachikulupi, ŵakamulana soni kwapochela chenene achimjetu. Nyimbo sine sikusatulimbikasya kuwujila kwa Yehofa, kululuchilana, kola yakulinga yausimu soni kuŵa ŵakulupichika lisiku lililyose. Panasoni nyimbo jine jajikusasala yampaka tutende kuti tukamuchilichisyeje masengo mafoni mwakuŵajilwa. Ana ni majiganyo gane gapi galijiganyisye mu nyimbo syetu?

ALOLELE FIDIYO JA NYIMBO JAKUTI, CHILAMBO CHASAMBANO CHILITU PAPAPA, KANEKO AJANJE YIWUSYO AYI:

• Ana liŵasa lilyachikulile lya mu fidiyoji likuganichisya yindu yapi ya msogolo?​—Gen. 12:3

• Ana mpaka tukusye chamtuli chikulupi chetu pa Yehofa pakukwanilisya yaŵatusalile?

• Ana tukwembecheya yamtuli pakwamba ya achimjetu ŵaŵawile?

• Ana Uchimwene ukusatukamuchisya chamtuli kupilila yakusawusya yatukusimana nayo apano?​—Alo. 8:25