Amjimbileje Yehofa Mwakusangalala

Paulo ni Sila ŵamlumbile Yehofa mwakwimba nyimbo paŵaliji mu ndende. (Mase. 16:25) Mwangakayicila kwimba kwawo nyimbo kwalimbikasisye kuti apilile. Nambi wuli pakwamba ya m’weji masiku agano? Nyimbo syatukusakamulicisya masengo pa kulambila soni nyimbo syetu, mpaka situlimbikasye mwausimu soni mpaka situkamucisye kwendelecela kuŵa ŵakulupicika patusimene ni yakulingwa. Kupunda pelepa nyimbosi sikusamlumba Yehofa. (Sal. 28:7) Tuŵele tuli mkulimbikasidwa kuti tujinjisyeje pamtima maloŵe ga nyimbo syetu. Ana pakwete palinjile kutenda yeleyi? Mpaka tukamulicisye masengo ndaŵi ja kulambila kwa peŵasa kuti tulijiganyeje nyimbo.

ALOLELE FIDIYO JAKUTI ŴANACE AKUMLUMBA YEHOFA MWAKWIMBA NYIMBO, KANEKO AJANJE YIWUSYO YAKUYICISYAYI:

• 

  Ana kwimba nyimbo sya Ucimwene kwana umbone wamtuli kwa m’weji?

• 

  Ana Dipatimenti jakwambula Mafidiyo soni Yakupikanila jikusakosecela camtuli kwambula nyimbo?

• 

  Ana ŵanace soni maŵasa gawo akusakosecela camtuli mbali jakwambulisya nyimbo?

• 

  Ana wawojo akusanonyela nyimbo syapi sya Ucimwene, soni ligongo cici?