UMI WETU WACIKLISTU
Kulalicila Soni Kwiganya Kukusakamucisya Kuti Tupanganye Ŵakulijiganya
Yesu jwalamwile ŵakumkuya ŵakwe kuti akapanganye ŵakulijiganya. (Mat. 28:19) Yeleyi yikusapwatikapo kulalicila soni kwiganya. Ndaŵi syosope tuliwusyeje kuti, ‘Ana mpaka ndende uli kuti ngamuleje cenene masengo gakupanganya ŵakulijiganya?’
KULALICILA
Mmalo mwakwambaga kwembeceya ŵandu kuti atusimane, tukusosekwa kusosasosa ŵandu “ŵakuŵajilwa.” (Mat. 10:11) Patuli mu undumetume, ana tukusalingalinga kuŵecetana ni ŵandu ‘ŵatusimene nawo’? (Mase. 17:17) Lidiya jwaŵele jwakulijiganya ligongo lya kulalicila mwamtawu kwa Paulo.—Mase. 16:13-15.
“Pandani mbeju syenu kundaŵi soni mkono wenu ukapumula mpaka ligulo” (Mlal. 11:6)
Mu yakutendekwa ya lisiku ni lisiku, ana Samuel jwalosisye camtuli kuti jwasosagasosaga mapesa kuti apande mbeju sya usyesyene?
Ligongo cici tukusosekwa kwendelecela kamulicisya masengo matala gosope gakulalicilila?
Patukutenda yindu ya masiku gosope, ana ŵani ŵampaka twalalicile utenga wa Ucimwene?
KWIGANYA
Kuti tupanganye ŵakulijiganya, tukusosekwa kutenda yejinji mmalo mwakwalecela ŵandu mabuku. Kuti twakamucisye kuti ajawule pasogolo mwausimu, tukusosekwa kutenda maulendo gakuwilisya soni kutendekasya majiganyo. (1 Akoli. 3:6-9) Nambi uli naga kulingalinga kwetu kwajiganya ŵane ya usyesyene ngakukusogola yisogosi? (Mat. 13:19-22) Tukusosekwa kwendelecela kusosasosa ŵakwete mitima jajili mpela “litaka lyambone.”—Mat. 13:23; Mase. 13:48.
“Une napandile, Apolo ŵajitilile, nambo Mlungu ni jwaŵakulisye” (1 Akoli. 3:6)
ALOLELE FIDIYO JA MTWE WAKUTI AJENDELECELE KULALICILA “MWAMTAWU”—PELANGA SONI KUPANGANYA ŴAKULIJIGANYA, KANEKO AJANJE YIWUSYO YAKUYICISYAYI:
Ana ce Solomon soni Mary ŵajitilile camtuli mbeju sya usyesyene m’mitima ja Ezekiel soni Abigail?
Ana cakulinga cetu ciŵeje cici patukutenda undumetume, kupwatikapo kulalicila kwa pelanga?
Ana mpaka tulosye camtuli mtawu pakwajiganya ŵane usyesyene?