Ŵajiganyeje Kuti Ajendelecelejepe Kutumicila Yehofa

Yiwonece kuti jwakulalicila jwacasambano jwajiganyidwe cenene kutandila pandanda pene kuti alalicileje mwamtawu, akusaŵa jwakulalicila jwakamula mtima. (Miy. 22:6; Afi. 3:16) Songa syakuyicisyasi sikusala yampaka atende kuti amkamucisye jwakulijiganya jwawo kuti alalicileje mwakamula mtima:

• Jwakulijiganya jwawo pangambile kumjiticisya kuti aŵe jwakulalicila, ndaŵi jijojo akusosekwa kutanda kumjiganya kulalicila. (km-CN 8/15 1) Amsalile umbone wakulalicila mwakutamilicika cijuma cilicose. (Afi. 1:10) Aŵeceteje yakulimbikasya yakwaya mkuli wakusalalicila. (Afi. 4:8) Amlimbikasyeje kuti ajendeje ni jwakulolela kakuga soni ŵakulalicila ŵane kuti aloleje mwakusalalicilila.—Miy. 1:5; km-CN 10/12 6 ¶3

  

• Naga jwakulijiganya jwawo abatiswe, ajendelecelepe kumjiganya mu undumetume mnopemnope naga jwabatiswe mkanamalisye buku ja “Cinonyelo ca Mlungu.”—km-CN 12/13 7

  

• Akamulicisyeje masengo ulaliki wangasawusya pakulalicila najo yalumo. Panyuma pakuti jwalakwe alalicile, am’yamicileje. Amsalileje yindu yine yampaka yimkamucisye kuti aŵe jwakulalicila jwakamula mtima.—km-CN 5/10 7