Elifasi:
Ŵatyocelaga ku Temani m’cilambo ca Edomu. Lilemba lya Yeremiya 49:7 likusasala kuti ku Temani kwaliji ŵandu ŵa lunda mnope
Jwalakwe ŵaliji jwamkulungwa mwa ŵandu ŵatatu ŵaŵayice ‘kukumtondoya’ Yobu soni ni juŵatandite kuŵeceta. Jwalakwe ŵaŵecete mnope kupunda acimjakwe ŵaŵiliwo
Magambo gaŵamjimbaga Yobu:
Ŵasekaga kulupicika kwa Yobu soni kuti Mlungu jwangakulupilila ŵakutumicila ŵakwe (Yobu 4, 5)
Ŵaŵecete kuti Yobu ŵaliji jwakulikwesya, jwakusakala soni jwangajogopa Mlungu (Yobu 15)
Ŵamjimbaga magambo Yobu kuti ŵatumicilaga Mlungu pakusaka kwanilisya yakusaka yakwe soni kuti mundu jwangali masengo pameso pa Mlungu (Yobu 22)
Bilidadi:
Ŵaliji jwa mu mbagwilo ja Shuwa. Jwalakwe ŵatamaga ciŵandika lusulo lwa Filate
Jwalakwe ni juŵaliji jwakuyicisya pakuŵeceta. Bilidadi nganaŵeceta mnope, nambo yaŵaŵeceteyo yaliji yakupweteka mnope kulekangana ni yaŵaŵecete Elifasi
Magambo gaŵamjimbaga Yobu:
Ŵaŵecete kuti ŵanace ŵa Yobu ŵalemwisye mwati ŵasosekwaga cilango soni kuti Yobu nganajogopaga Mlungu (Yobu 8)
Ŵaŵecetesoni kuti Yobu ali jwakulemwa (Yobu 18)
Jwalakwe ŵaŵecete kuti kulupicika kwa ŵandu kuli kwangali masengo (Yobu 25)
Sofali:
Jwa ku Naama, jwatamaga kumpoto kwa Arabia
Jwalakwe ni juŵaliji jwatatu kuŵeceta soni ŵaŵecete maloŵe gakupweteka mnope kupunda acimjakwe ŵane ŵala. Jwalakwe ŵaŵecete panandi
Magambo gaŵamjimbaga Yobu:
Ŵasasile kuti yaŵaŵecetaga Yobu yaliji yangali mate soni ŵamsalile kuti alece kutenda yindu yakusakala (Yobu 11)
Ŵaŵecete kuti Yobu jwaliji jwakusakala soni ŵasangalalaga ni kutenda yakusakala (Yobu 20)