Litala Lyasambano Lyakutandila Kuŵecetana ni Ŵandu

Kutandila ni Sanja ja Mlonda jagaŵila ja January 2016, pa peji jakumalisya pakuŵaga mtwe wakuti “Ana Baibulo Jikusasala Yatuli?” Mbali jeleji ajilinganyisye kuti jitukamucisye mwampaka tutandile kuŵecetana ni ŵandu ngani sya m’Baibulo. Soni jili jakulandana ni muŵatulembele tumapepala. Mbaliji jikutanda ni ciwusyo, kaneko kwanga kwakutyocela m’Baibulo, soni yine yakonjecesya yampaka tutagulilane.

Kutagulilana cenene ngani sya m’Malembaku mpaka kutukamucisye kuti tutandisyeje majiganyo ga Baibulo. Akamulicisyeje masengo litala lyasambanoli pakŵakamucisya ŵajinji kumasya sala jawo jausimu.​—Mat. 5:6.

MWAMPAKA TUTENDELE:

1. Am’wusye msyenenyumba ciwusyo cimo kuti apikane nganisyo syakwe

2. Apikanileje pakuŵeceta kuti amanyilile yatite pakwanga

3. Aŵalanje lilemba lyalili pasi pa mtwe wakuti “Yajikusasala Baibulo,” kaneko amsalile kuti asale nganisyo syakwe pa lilembalyo. Naga mundujo akwete ndaŵi, ajendelecele kutagulilanako pakamulicisya masengo yayili pa mtwe wakuti “Ana Cine Cici Campaka Tulijiganye M’Baibulo?”

4. Amgaŵile magasini

5. Alinganye yakuti cawujileko kuti cakatagulilane ciwusyo caŵili