Ligongo Cici Twakopwesye Baibulo?

Kwa yaka yejinji, Mboni sya Yehofa siŵele mkukamulicisya masengo, kupulinta, soni gaŵila Mabaibulo gakulekanganalekangana. Nambo kaneko twayiweni kuti tukusosekwa kukoposya Baibulo ja kagopolele kasambano jampaka jakamucisye ŵandu ‘kumanyilila cenene usyesyene,’ lyalili lisosa lya Mlungu kwa jwalijose. (1 Timoteo 2:3, 4) M’yoyo, mu 1950 twatandite koposya mbali sine sya Baibulo ja ciŵeceto ca moŵa agano ja New World Translation. Baibulo jeleji jigopolelegwe cenene, soni mwakulupicika mu yiŵeceto yakupunda 100.

Pasosekwaga Baibulo jangasawusya kujipikanicisya. Yiŵeceto yikusasinda pajikupita ndaŵi, ni ligongo lyakwe Mabaibulo gejinji gakwete maloŵe gangamanyika cenene kapena gakala mnope, soni gakusawusya kugapikanicisya. Nambosoni, yakulemba payala yakala yayikusala yisyesyene, yakulandana mnope ni yandanda yisimanikwe. Yeleyi yikamucisye kuti ŵandu apikanicisye Cihebeli, Cialamu ni Cigiliki ca m’Baibulo.

Pasosekwaga Baibulo jakulupicika ku maloŵe ga Mlungu. Mmalo mwakwamba kutenda yindu ni maloŵe ga Mlungu mwangasamala, ŵagopolela Baibulo akusosekwa gopolela yisyesyene yakwe. Nambo mu Mabaibulo gejinji, lina lya Mlungu, lyakuti Yehofa, ngakulikamulicisya masengo.

Pasosekwaga Baibulo jakucimbicisya Mkulemba jwakwe. (2 Samueli 23:2) Mpela mwakuciwonela ciwilili pasipa, mu yakulemba yakala lina lyakuti Yehofa lyasimanikwaga malo gakwana 7,000. M’Baibulo ja New World Translation, lina lya Yehofa aliwucisye m’malo mwakwe. (Masalimo 83:18) Pakuŵa ŵawungwinyewungwinye kwa yaka yejinji, Baibulo jeleji jili jakusangalasya pakuŵalanga ligongo jikusalosya cenene mwakusaganicisya Mlungu. Cinga akwete Baibulo ja New World Translation mu ciŵeceto cawo kapena iyayi, tukwalimbikasya kuŵalanga Maloŵe ga Yehofa lisiku lililyose. (Yoswa 1:8; Masalimo 1:2, 3)

• Ligongo cici twayiweni kuti pakusosekwa Baibulo jegopolele mwacasambano?

• Mundu jwalijose jwakusaka kulijiganya ya lisosa lya Mlungu akusosekwa kutenda cici lisiku lililyose?