Yampaka Atende Kuti Ayipikanichisyeje Yiwanichisyo ya m’Baibulo

Ndaŵi syejinji, Baibulo jikusakamulichisya masengo yiwanichisyo pakulondesya mfundo sine. Nambope ŵandu ŵajinji, yikusiyasawusya kuti ayipikanichisye yiwanichisyoyo. (Mat. 13:13) Ana ni chichi champaka chakamuchisye kuti apikanichisyeje ngopolelo ja yiwanichisyo yayikusasimanikwa m’Baibulo? Alinje kukuya yindu yakuyichisyayi:

• Amanyilileje yindu yakuyiwanichisyayo. Pa Chiwunukuko 3:3 Yesu jwasasile kuti chachiyika mpela jwawiyi. Mfundo ja pa lilembali jili jakuti kuyika kwa Yesu akukuwanichisya ni mwakusatendela jwawiyi.

• Amanyilileje kukamulana kwa yindu yakuyiwanichisyayo. Alinjeje kumanyilila ligongo lyakwe mfundo jakujilondesyajo akujilandanya ni chindu chinechakwe soni amanyilileje kulandana kwa yinduyo.

• Apikanichisyeje ngopolelo jakwe. Naga ngasamala yiwanichisyo yine mpaka ayipikane mwakulemwecheka. Chisyasyo chatukambilenechi, ngachikugopolela kuti Yesu chachiyika kukwiŵa chinechakwe. Mmalomwakwe, kwika kwa Yesu akukuwanichisya ni mwakusatendela jwawiyi m’litala lyakuti jwalakwejo chachiyika pa ndaŵi jakuti ŵandu nganajijembecheyaga.