Yesu “Ŵalijiganyisye Kuŵa Jwakupikanila”

Yesu akusampikanilaga Yehofa ndaŵi syosope. (Yoh. 8:29) Nambi ligongo chichi Baibulo jikusasala kuti, “Jwalakwe ŵalijiganyisye kuŵa jwakupikanila kutyochela pa yakusawusya yaŵasimene nayo”?—Aheb. 5:8.

Pajwaliji pachilambopa, Yesu jwasimene ni yindu yele kwinani nganasimaneje nayo. Mwachisyasyo, jwalakwe jwaleledwe ni achinangolo ŵaŵamnonyelega Yehofa nambo ŵaŵaliji ŵangali umlama. (Luk. 2:51) Achimlongola ŵa dini ŵachinyengo soni ŵakulamulila ŵamlagasisye jwalakwe. (Mat. 26:59; Maliko 15:15) Konjechesya pelepa, jwalakwe “ŵalinandiye mwamti jwaŵele jwakupikanila mnope mpaka pandaŵi jiŵawile” chiwa chakupweteka mnope.—Afil. 2:8.

Myoyo, yeleyi yatendekasisye kuti Yesu pajwaliji pachilambo alijiganye kuwa jwakupikanila m’litala lyasambano. Mwamti yamkamuchisye kuti aŵe Mwenye jwambone mnope soni Jwamkulungwa jwa Ŵakutaga Mbopesi jwampaka atutendeleje chanasa. (Aheb. 4:15; 5:9) Yesu jwaŵele jwakusosekwa mnope kwa Yehofa panyuma pakulijiganya kuŵa jwakupikanila kutyochela pa yakusawusya yajwasimene nayo. M’wejisoni mpaka tuŵe ŵakusosekwa mnope kwa Yehofa, mwamti jwalakwe mpaka atukamulichisye masengo pautumiki uliwose naga tukupitilisya kuŵa ŵakupikanila atamose patusimene ni yakusawusya yekulungwa.—Yak. 1:4.