Akambilaneje ni Ŵane Yindu Yalijiganyisye

Mfundo syatupatile pakulijiganya mpaka situlimbikasye. Nambope, mfundosi mpaka situlimbikasye mnope patukwasalila ŵane. Pa Misyungu 11:25 pakusati, “Jwalijose jwakusiŵatendekasya ŵane kuŵa ŵakusangalala, nombenajo chachisangalala.”

Patukwasalila ŵane mfundo syatulijiganyisye, mpaka yitukamuchisye kuti tusikumbuchileje mwangasawusya, mwamti mpaka yitendekasye kuti tusipikanichisyeje chenene. Nambosoni ligongo lyakuti mfundosyo mpaka syakamuchisye ŵane, yikusatutendekasya kuŵa ŵakusangalala patukwasalila ŵane mfundosyo.—Mase. 20:35.

Alinje kutenda ayi: Mu wiki jajikwisaji, alinje kumsalila mundu jwine mfundo syalijiganyisye. Mpaka amsalile mfundosyo jwachinasi jwawo, Mklistu mjawo, ŵakusakamula nawo masengo, mjawo jwa ku sukulu, ŵandu ŵakuŵandikana nawo, kapena mundu jwampaka asimane najo pakulalichila. Alinjeje kusala mfundo syalijiganyisyesyo mmaloŵe gawogawope soni mwakupikanika chenene.

Akumbuchile ayi: Ŵasalileje ŵane yindu yalijiganyisyeyo pakusaka kwalimbikasya ngaŵaga pakusaka kwagomeka.—1 Akoli. 8:1.