Kuwilisya Mfundo Syekulungwa

Ana pakwete palasile kukumbuchila yindu yalijiganyisye? Yeleyi yikusatutendechelaga wosopewe. Ana chichi champaka chakamuchisye? Kuwilisya mfundo syekulungwa ni kwampaka kwakamuchisye mnope.

Pakulijiganya ngani jine jakwe ajimeje kaje panandi ni kuganichisya mfundo syakusosekwa mnope syakulijiganya. Ndumetume Paulo ŵalimbikasisye abale ni alongo kuti atendeje yeleyi pakulijiganya. Jwasalile kuti, “Yisyesyene yakwe nayi.” (Aheb. 8:1) Ni maloŵe gelega, jwalakwe jwakamuchisye jemanjajo kupikanichisya yaŵagopolelaga soni kukamulana kwa mfundo syakwe.

Pamalisisye kulijiganya ngani jinejakwe akusosekwa akoleje 10 minisi jakuganichisyasoni mfundo syekulungwa syalijiganyisye. Naga akulepela kukumbuchila alolejesoni mitwe ja mwanamwana kapena aŵalanjesoni msela wandanda mu ndime jilijose kuti akombole kukumbuchila yalijiganyisye. Palijiganyisye mfundo jine jakwe jasambano alinjeje kujisala m’maloŵe gawogawope. Pakuwilisyasoni mfundo syekulungwa syalijiganyisye, yichakamuchisya kujimanyilila chenene nganijo soni kulola yajikuti pakwakwaya.