UMI WETU WACHIKLISTU
Ŵakamuchisyeje Ŵanache Ŵawo Kuti Akamulichisyeje Masengo Yakusiŵajiganya Yehofa
Kuti ŵanache akombole kukamulichisya masengo yakusiŵajiganya Yehofa, achinangolo akusosekwa kwakamuchisya ŵanachewo kuti apinduleje pali pamisongano. Yindu yakusayiwona ŵanache, kupikana soni yakusasala mu ndemanga syawo pali ku misongano ja mpingo mpaka yakamuchisye kuti ammanyilile chenene Yehofa soni kuŵa najo paujakwe wambone. (De 31:12, 13) Naga wawojo ali nangolo, ana mpaka amkamuchisye chamtuli mwanache jwawo kuti apinduleje pali pamisongano?
Atendeje yampaka akombole kuti akasimanikweje pamisongano ku Nyumba ja Uchimwene.—Sal 22:22
Payiche pa Nyumba ja Uchimwene akungulucheje ni abale ni alongo misongano mkanijitande kapena pajimasile.—Ahe 10:25
Alolechesyeje kuti wosope ŵa mliŵasa lyawo akwete mabuku gakukamulichisya masengo pakulijiganya palisikulyo
Amkamuchisyeje mwanache jwawo kuti akosechele yakuti akajanje.—Mat 21:15, 16
Ŵasalileje umbone wakusimanikwa pamisongano soni yindu yalijiganyisye kweleko
Ŵakamuchisyeje ŵanache ŵawo kuti akamuleje nawo masengo gakuswejesya pa Nyumba ja Uchimwene soni akungulucheje ni ŵandu ŵachikulile ŵa mumpingomo
Akusosekwa kulimbichila mnope kuti amkamuchisye mwanache jwawo kuŵa paunasi wambone ni Yehofa. Sonitu kutenda yeleyi ndaŵi sine mpaka kuŵeje kwakusawusya. Nambope akakayichilaga kuti Yehofa mpaka ŵakamuchisye wawojo.—Yes 40:29.
ALOLELE FIDIYO JAKUTI ACHINANGOLO AMDALILEJE YEHOFA, KANEKO AJANJE YIWUSYO AYI:
Ana kupela kwa Zack ni Leah kwakwete yakuyichisya yamtuli?
Ligongo chichi achinangolo akusosekwa kumdalila Yehofa?
Ana Zack ni Leah ŵatesile chichi pakulosya kuti ŵamdalilaga Yehofa?