Achakulungwa ŵa Mumpingo Akusiŵasamalila Ŵandu ŵa Yehofa

Ŵandu ŵajinji ngakusiŵakulupilila ŵakulamulila. Yili myoyo ligongo lyakuti kwa yaka yejinji ŵandu ŵakwete udindo aŵele ali mkukamulichisya masengo udindo wawo mwakulemwecheka pakusaka kulisangalasya achimsyenepe. (Mik 7:3) M’wejo tuli ŵakusangalala mnope ligongo lyakuti achakulungwa ŵa mumpingo akusalijiganya yampaka atende pakamulichisya masengo udindo wawo pakwasamalila ŵandu ŵa Yehofa.—Est 10:3; Mat 20:​25, 26.

Mwakulekangana ni ŵandu ŵakwete ma udindo kuchilamboku, achakulungwa ŵa mumpingo akusalingalinga kuti aŵe ŵakulolela ligongo lyakuti akusamnonyela Yehofa soni ŵandu ŵakwe. (Yoh 21:16; 1Pe 5:​1-3) Yesu akusiŵalongolela achakulungwa ŵa mumpingo. Myoyo jemanjaji akusiŵakamuchisya abale ni alongo kuti aŵe paunasi wambone ni Yehofa soni kuti aliwoneje kuŵa ŵakusosekwa mu gulu ja Yehofa. Jemanjaji akusalipeleka pakwalimbikasya ŵandu ŵa Yehofa, kwakamuchisya pandaŵi jalwasile kapena pajitendekwe ngosi. Myoyo naga akusaka chikamuchisyo mpaka yiŵe chenene kuti ŵaŵende achakulungwa ŵa mumpingo mwawo.—Yak 5:14.

ALOLELE FIDIYO JAKUTI ACHAKULUNGWA ŴA MU MPINGO AKUSASISAMALILA NGONDOLO SYA YEHOFA, KANEKO AJANJE YIWUSYO AYI:

• Ana yindu yamjendele chamtuli Mariana panyuma pakupochela chikamuchisyo kwa achakulungwa ŵa mumpingo?

  Kwanga

• Ana yindu yamjendele chamtuli Elias panyuma pakupochela chikamuchisyo kwa achakulungwa ŵa mumpingo?

  Kwanga

• Ana fidiyoji jajiganyisye yamtuli pakwamba ya masengo gakusakamula achakulungwa ŵa mumpingo?

  Kwanga